ENRC 300 mln. teńge bóldi

«Týǵan elimiz ben ózimizdi zorlyq-zom­by­lyqtan, arandatý men opasyzdyq áreket­ter­den saqtandyrý. Qazaqstan hal­qy­nyń órken­deýine, elimizdegi beıbitshilik pen kelisimniń nyǵaıa túsýine negiz bolǵan Qazaqstan Respýb­lıka­sy­nyń Tuńǵysh Prezıdenti Nursultan Ábishuly Nazarbaev­tyń kóregen strategııa­syn qoldaý». Jańaózen qalasy men Shetpe stansa­synda bolǵan tártipsizdik áreketterine qa­tysty ENRC korporasııasynyń kásip­oryn­darynda ót­kizilgen basqosýlardyń basty saryny osyn­daı boldy. Elimizdiń tórt ónerkásiptik óńirlerinde (Pavlodar, Qostanaı, Aqtóbe jáne Qaraǵandy ob­lystarynda) osy kúnderi korporasııanyń 17 myń qyzmetkeri osyndaı tártipsizdik jóninde óz narazylyǵyn bildirý jáne «ArselorMıttal Temirtaý» AQ qyz­met­ker­leriniń úndeýin qoldaý úshin jınalýda. Qazaqstan Respýblıkasy Táýelsiz­digi­niń 20 jyldyq mereıtoıynda Jańaózen qalasynda oryn alǵan oqıǵalar qazaq­stan­dyq áleýmetti óziniń maǵynasyz ári qaı­ǵy­ly bolmysymen dúr silkindirdi. О́ziniń je­ke ambısııasyn qanaǵattandyrý úshin adam ómirin qurban etýge eshkim quqyly emes. «Tártipsizdikten zardap shekkenderdiń bar­lyq týystary men jaqyndaryna kóńil aı­tamyz. ENRC korporasııasy zardap shek­ken­derge kómek kórsetý qoryna 300 mln. teńge qarajat baǵyttaıdy», – dedi ENRC PLC bas atqarýshy dırektory Felıks Výlıs. ENRC kásiporyndaryndaǵy turaqty­lyq jumysshylar men olardyń otbasy­larynyń bolashaqqa degen seniminiń dále­li bolyp tabylady. Búgin bizge eń bastysy – erteńgi kúnge sený, arandatýshylyq áre­ketterge berilmeý. El Táýelsizdiginiń eń basty qun­dy­ly­ǵy – beıbitshilik pen kelisimdi saqtaý qajet, deıdi ujym músheleri. «Egemen-aqparat». PAVLODAR.