– Sharamyzǵa Semeıdiń 100-ge jýyq jastary qatysty, – deıdi Semeı qalalyq jastar resýrstyq ortalyǵynyń mamany Dýman Kenjeǵazın. Onyń aıtýynsha, «Dombyra Party» saıysynda jastar dombyranyń qulaǵynda sheber oınaıtyndyqtaryn baıqatty. Qos ishekti ulttyq aspaptyń úni ortalyq saıabaq ishindegi qarııalarǵa qatty unaǵan. Shara barysynda kishkentaı ul balalar úshin «Asyq Party», qarbyz jeýden jarysqa túsken «Qarbyz Party» jarystary turǵyndarǵa erekshe qýanysh syılady.
«Baýyrsaq shoý» ıntellektýaldyq oıyny da qyzyqty ótti. Bul jerde qoıylǵan ıntellektýaldy suraqqa durys jaýap bergen ár jasqa molynan baýyrsaq berildi.
– Sharaǵa qarııalar da, kishkentaı búldirshinder de kelip qyzyǵa qatysyp jatyr, – deıdi Jastar resýrstyq ortalyǵynyń mamany Dýman Kenjeǵazın, – olarǵa dombyra tartýdy, asyq atýdy úırettik. Ulttyq ónerimizdi jalǵastyrýshy jas urpaqtyń qatary arta berýi kerek. Baldyrǵandar sondaı-aq ózara jarysyp syılyqtaryn aldy.
Belsene qatysqan jastarǵa marapattar tabys etilip, kesh sońy kóńildi bıimen jalǵasyn tapty.
Raýshan NUǴMANBEK,
jýrnalıst
SEMEI
