Innovasııalyq jobalar – órkendeý kepili

Álemdik órkenıettiń kó­shinde kóshbastaýshy elder qataryna laıyqty kirige al­ǵan Qazaqstan tabıǵı baı­lyqqa da, daryndy urpaqqa da kende emes. Eliniń keleshegin alystan oılap, te­reń­nen pishetin ke­meń­ger tul­­­ǵanyń biri – Tuń­ǵysh Prezıdentimiz Nur­sul­tan Na­zarbaev. Táýel­sizdik jyl­da­ryn­da buǵan kózimiz anyq jetti. Kózdi ashyp-jumǵandaı óte shyq­qan osynaý merzimde el eko­nomıkasy órkendedi, ha­lyq­tyń áleýmettik turmysy jaqsardy. Bir kezderi umy­tyla bastaǵan ana tilimiz memlekettik deńgeıge kóte­ril­di. Jas urpaq túgili aǵa býynnyń oqýyna tyıym salynǵan tarıhymyzdyń aqtańdaq betteri ashyldy. Aıta bersek, Táýelsizdiktiń 20 jylynda qol jetken jetistigimizge de, shyqqan bıigimizge de jahan jurty tamsana qaraıtyn boldy. Táýelsiz Qazaqstannyń álemdegi juldyzy jaryq, abyroıy bıik bolǵanyn qalaıtyn Elbasy Nursultan Nazarbaev enshimizge buıyr­ǵan eren baqytqa maldanyp, bir orynda turyp qalmaýdyń qajettiligin udaıy aıtyp keledi. Táýelsizdiktiń 20 jyl­dyǵyna arnalǵan mereıtoı saltanatynda buǵan jáne bir ret toqtalyp ótti. Elbasy óz baıandamasynda Qazaqstan­nyń keleshektegi damýy ındýstrııa men ınnovasııaǵa tikeleı baılanysty ekenimen órbitýi óte oryndy. О́ıtkeni, Japonııa men Ońtústik Koreıa, Qytaı men Malaızııa, Germanııa men Italııa, Fransııa jáne AQSh sekildi kóptegen elderdiń órkendeý ereksheligine nazar aýdar­saq, birinshi kezekte ın­novasııa­lyq jobalardy iske asyrý arqyly ındýstrııa­landyrý úderisin bastaǵany daýsyz. Al Qazaqstannyń ekpini álemdegi eshbir elden kem emes. Bizdiń daryndy ǵalym­darymyzdyń ǵylymı áleýeti de joǵary ekenin bilemiz. Halyqaralyq «Bolashaq» baǵdarlamasymen álemdegi eń ozyq bilim ordalarynda bilim jetildirgen, naryqtyń qyr-syryna qanyqqan ush­qyr oıly jastarymyz da jetedi. Demek, Qazaqstan ǵy­lymynda Elbasy Nursultan Nazarbaev aıtqandaı, HHI ǵasyrdaǵy álemdik damýdan qalyp qoımaýdyń birden-bir joly – ınnovasııaǵa den qoıý­ǵa tolyq negiz bar. In­novasııalyq jobalar ásirese, mashına jasaý men avıasııa qurylysyna, elektronıka men aqparattyq tehnolo­gııalardy damytýǵa, lokomotıvter men vagondar óndiri­sine asa qajet. Ilim-bilimge umtylǵan jastar ınno­va­sııalyq jobalar eldi órken­detýdiń kepili bolatynyn uǵynǵanyn qalar edik. О́ıtkeni, endi memleket «Júz ınnovasııa» baǵdarlamasyn iske asyrýdy kózdep otyr. Nurbaı SÚIINBAEV, Jylyoı aýdandyq mádenıet jáne tilderdi damytý bóliminiń meńgerýshisi. Atyraý oblysy.