Qoǵamdyq kólik tıimdiligi zor

Qazirgi tańda elimizde saılaý dodasyna túsip jatqan saıası kúshter ózderiniń saılaýaldy baǵdarlamalaryn nasıhattaý úshin qarjylyq qıyndyqtarǵa qaramastan, barlyq amaldardy qoldanyp baǵýda. Jáne onysy nátıjesiz de emes. Máselen, Qazaqstan Patrıottary partııasynyń beldi músheleri qalalyq qoǵamdyq kólik­ter­di óz múddelerine utymdy paıdalana bastady. Qoǵamdyq kólikterde jolaýshylarǵa án aıtý arqyly ózderiniń jetistikterin de nasıhattap otyr. Máselen, keshe Almatyda patrıottyqtar tramvaı kóligimen «Orbıta» shaǵyn aýdanynan Kókbazarǵa deıingi aralyqty júrip ótip, nasıhat jumystaryn keńinen júrgizýge múmkindik aldy. Sondaı-aq budan basqa da sharalar ońtústik asta­na­myzdyń birqatar jerlerinde uıymdasty­ryl­ǵandyǵyn aıta ketý kerek. Mels Eleýsizov, Alla Ryjkova bastaǵan partııa belsendileri keshe Ál-Farabı atyn­daǵy Qazaq memlekettik ýnıversıtetiniń geo­grafııa fakýltetinde stýdenttermen kezdesý ótkizdi. Atalǵan kezdesý barysynda jastar máselesi, sonyń ishinde, stýdent­ter­diń áleýmettik-turmystyq jaǵdaıy keńinen sóz boldy. Ásirese, stýdentter jataq­hana­synyń jetispeýshiligi, olardyń joǵary oqý ornyn bitirgennen keıingi jumysqa orna­lasýy problemalary sııaqty birqatar máseleler ortaǵa salyndy. Partııa negizinen kedeıshilikti eńserý jáne azamattardy áleýmettik qorǵaýdyń mem­lekettik júıesin odan ári damytý saıa­sa­tyn júrgizip kele jatqany belgili. Budan basqa, ekologııa problemasy keńinen sóz boldy.  Ásirese, Aral teńizi, Semeı polı­go­ny, Baıqońyr ǵarysh aılaǵy problemala­ryn sheshýge erekshe den qoıylyp, olarǵa álemdik qoǵamdastyqtyń nazaryn aýdarýǵa kúsh salý qajettigi aıtyldy. Osy rette partııa Kaspıı teńizi shelfi men eldiń barlyq aýmaǵynda jumys isteıtin sheteldik ınvestorlardyń ekologııalyq standart­taryn qaıta qaraýǵa qol jetkizýdi de nazarda ustaýdy ózderiniń basty qaǵıdattary retinde qarastyryp otyr. Al Astanada Qazaqstan Patrıottary partııasynyń jetekshileri EQYU baıqaý­shy­lary mıssııasy ókilderimen kezdesip, aldaǵy saılaý barysyn áńgime ózegine aınaldyrdy. Uıym ókilderin, ásirese, áske­rılerdiń, jastardyń jáne memlekettik qyzmetshilerdiń  saılaý barysyna qan­daı­lyq qatysatyndyǵy qyzyqtyrǵan kórinedi. Asqar TURAPBAIULY.