Ulan – jyldyń úzdik fýtbolshysy

Elimizdiń fýtbol federasııasy jyldyń eń myqty oıynshysyn anyqtady. Ol – Qazaqstan ulttyq qurama komandasynyń talantty oıynshysy, Jambyl oblysynyń týmasy jáne birneshe jyl «Taraz» fýtbol klýbynyń namysyn qorǵaǵan, búginde Qaraǵandynyń «Shahter» komandasy sapynda ádemi oıyn órnegin tanytyp júrgen Ulan Qonysbaev bolyp tabyldy. Qońyr kúzde Túrkııa men Qazaqstan qurama komandalarynyń kezdesýi bolǵany belgili. Sol tartysty oıynda Ulannyń túrikter qaqpasyna alystan qıǵashtaı soqqan golyn álemdik fýtbol jankúıerleri erekshe sheberlik dep baǵalaǵan bolatyn. Sondaı-aq, Ulan «Shahter» komandasynyń bıylǵy el chempıony atanýyna da úlken úles qosty. Sondyqtan bolar, elimizdiń fýtbol tizginin ustaǵan bilikti mamandar 2011 jyly elimizde Ulanǵa teńesetin fýtbolshy joq dep uıǵarypty. Árıne, biz muny óte orndy jáne ádil sheshim dep qabyldaımyz. «Shahterdiń» sheber oıynshysy Ulan Qonysbaevty úzdik fýtbolshy degen ataǵymen quttyqtaı otyryp, odan aldaǵy jyldarda da jeńisti oıyndar kútemiz. Kósemáli SÁTTIBAIULY. Taraz qalasy. Sýrette: Ulan Qonysbaev (sol jaqta) kezekti shabýyl sátinde.