Eńbek jolymdy bastaǵan jer edi

Seksenniń bel ortasyna ja­qyn­daǵan men Táýel­siz­digimizdiń qanshalyqty qym­bat ekenin jaq­sy bilemin. Taǵatsyzdana kútken tolǵa­nys­ty mereke kúni kóteriń­ki kóńildegi Kókshetaýdyń alań­­­daryndaǵy mádenı-kópshilik sha­ralarǵa qatysýǵa múmkin­digim bolmady. Áıtkenmen, kúni boıy teledıdar aldy­nan tapjylmaı, Elbasy Nursul­tan Nazarbaev­tyń quttyqtaýyn tyń­dap, jal­py­halyqtyq qýa­nysh­qa ortaq­ta­syp, mereıim ósip otyr­ǵan edi. Bir kezde ekran al­dy­na respýb­lıkamyzdyń Bas pro­­kýrory Ashat Daýylbaev shy­ǵyp, Mańǵys­taý oblysyn­daǵy Jańa­ózen qa­lasyndaǵy basbuzar­lyq oqıǵa tý­raly málimet jasa­ǵanda tó­bem­nen jaı túskendeı boldy.

Mine, sol kúnnen bastap bar­sha­myz alystaǵy qaladaǵy aǵa­ıyndarymyzdyń hal-jaǵdaı, tur­mysyna alańdaýmen otyr­myz. Osyndaıda Elbasymyzdyń oryn alǵan oqıǵany jasyrmaı, ashyq aıtyp otyrǵanyna rıza­myz. 17 jel­toqsannyń keshinde Ja­ńa­ózende 20 kúndik tóten­she jaǵ­daı jarııa­lan­ǵa­nyn habarla­dy. Máse­le­niń ekonomıkalyq qaı­shy­lyq­tarǵa qatysty­ly­ǵy da aı­tylyp jatyr. Bi­raq, eń óki­nishtisi, keshirilmeıtin saldary Táýel­siz­di­gi­mizdiń saltanatty 20 jyl­dy­ǵynyń shyrqy buzyl­ǵa­nynda dep bilemin. Muny aqtaýǵa bolmaıdy.

Men sonaý elýinshi jyldar­dyń basynda KazMÝ-diń jolda­ma­­sy­­men Batys ólkede qyzme­tim­di bastaǵan edim. Bul tarıhy da, taǵylymy da mol ólke. Osynda kóptegen azamattarmen tany­syp, aǵaıyn-týystaı baýyrla­syp ketkenbiz. Eldiń dań­qyn asyrǵan Mań­ǵystaý jańa Qa­zaq­stannyń maqtanyshy desek, ar­tyqtyǵy joq. Mu­n­y aıtyp otyr­ǵa­n­ym, jal­paq elge k­úıe ja­ǵýǵa bol­maı­tyn­dyǵy. Kisi sana­sy­na syı­maı­tyn bas­buzar­lyq­ty bas­­­ta­ǵan­dar­dyń kózde­geni dú­­nıe­qo­ńyz­dyq dep bilemin. Ony­­men ýlan­ǵan­­dar­dan ba­ıyp, sa­byr qasha­dy. Dú­kender, bankter, qo­ǵam­dyq jáne turǵyn úılerdiń to­nalýy sonyń aıǵaǵy. On adam oıda-joqta kóz jumyp, seksennen astam kisi aýyr jaraqat­ta­nyp­ty. Jańa­jyl­dyq shyrshany bylaı qoı­­ǵanda, kıiz úı men sah­nanyń qıra­tylýy na­ǵyz qasıet­sizdik emes pe? Buza­qy­­lar­dyń beıbit halyqqa, óz jer­lesterine oqpen atylatyn jáne sýyq qarý­lardy qoldan­ǵa­ny júrek sýytar sumdyq.

Prezıdentimiz aıtqandaı, bul tótenshe oqıǵanyń tıisti baǵasy beriletini daýsyz. «О́zenmu­naı­gaz» kom­panııasynyń basshysy mereke kúngi basbuzarlyqqa qaty­symyz joq dep otyr. Memlekettik komıssııa onyń da anyq-qanyǵyn aıqyn­daıtyny belgili. Bizdiń túsinigi­miz­de, Jańaózen Qa­zaqstan táýelsizdigi jyldarynda ósip-órkendegen shy­raı­ly shahar. Munda keshegi daǵ­darysty jyl­dar­dyń ózinde kópte­gen áleý­met­tik nysandar, jańa dáýir kásip­oryn­dary salyndy. Osy jerde dańqty jylna­mamyzdyń aıtýly betteri qattalǵan desek te bola­dy. Sondyqtan, jazyqsyz halyq­tyń yntymaq-berekesi tarqa­ma­syn, al dańqymyzǵa daq túsir­gen­der tıisti zańdar sheńberinde qa­tań jaza­lanýy qajet dep sanaımyn.

Baıan NURPEIISOV, zeınetker.

Kókshetaý.