Jıyrma jyldyq damý nátıjesi aıtyldy

Keshe el Táýelsizdiginiń 20 jyldyǵyna arnalǵan «Konstı­tý­sııa­lyq zańdylyq – quqyqtyq memlekettiń jáne tulǵa erkin­di­giniń negizi» atty halyqaralyq ǵylymı-praktıkalyq konferensııa bolyp ótti. Konferensııany Qazaqstan Res­pýblıkasy Konstıtýsııalyq Keńesi Joǵarǵy Sotpen, Bas prokýratýramen, Adam quqyqtary jónindegi ýákilmen jáne L.N.Gýmılev atyn­da­ǵy Eýrazııa ulttyq ýnıversıtetimen birlese otyryp uıym­das­tyrdy. Konferensııaǵa Parlament de­pýtattary, quqyq qorǵaý jáne ózge de memlekettik organdardyń bas­shy­lary, bedeldi halyqaralyq uı­ym­dardyń jáne ózge de úkimettik emes ınstıtýttardyń ókilderi, son­daı-aq Qazaqstannyń jáne shet ­elderdiń belgili zańger-ǵalymdary qatysty. Konferensııa barysynda Qa­zaq­stan Respýblıkasynyń jıyrma jyldyq damýynyń qorytyndysy shyǵaryldy. Qazaqstan mem­le­ket­ti­liginiń ajyramas belgisi retinde konstıtýsııalyq zańdylyq reji­mi­niń qazirgi jaı-kúıine jáne ony qam­tamasyz etýde Negizgi Zańnyń róline taldaý jasaldy. Oń tá­ji­rıbe almasylyp, budan ári damý joldary naqtylandy. Forýmǵa qatysýshylar Qa­zaq­standa konstıtýsıonalızm ıdeıa­la­ry men prınsıpterin júzege asy­rý­dyń qaryshty úderisi júrip ja­tyr degen ortaq pikir bildirdi, dep habarlady Konstıtýsııalyq Keńe­s­tiń baspasóz qyzmeti.