Shaǵyn qalalar shet qalmaıdy

Qazaqstan Patrıottary par­tııa­sy atynan Májilis depýtat­ty­ǵyna kandıdattar Mels Eleýsizov, Gúldana Nurpeıisova, Serik Aıthojın, Nurmuhamed Abdrahmanov, Stanıslav Smırnov, Dáýren Ázimbaev, Qaırat Medıev, Aıjan Sqaqova óńirlerde nasıhat ju­mys­tarymen júr. Atalǵan top keshe Almatynyń túbindegi Qap­sha­ǵaı qalasynda boldy. Munda atalǵan top qala tur­ǵydarymen, turǵyn úı-kom­mý­nal­dyq sharýashylyq basshylarymen kezdesýler ótkizip, osy saladaǵy túıtkilderdi sheshý jaıyn sóz etti. Sondaı-aq, osyndaǵy farfor zaýytynda bolyp, onyń jaǵ­daıy­men tanysýǵa múmkindik aldy. Osy rette shaǵyn qalalar prob­le­ma­sy da aıtylmaı qalǵan joq. Qazirgi tańda elimiz boıynsha Ar­qalyq, Qapshaǵaı, Tekeli, Jańatas sııaqty 50-ge tarta shaǵyn qala bar bolsa, olardyń problemasyn sheshýge partııa erekshe den qoımaq. Máselen, Qapshaǵaı qala­synda jumys oryndary tapshy, turǵyndar farfor zaýytynyń qalpyna keltirilýin qalaıdy. Bu­ryn qala úshin mańyzdy sanalǵan kásiporynǵa memlekettik qoldaý bolsa, onda júzdegen jumys oryn­dary ashylar edi, deıdi qala­lyqtar. Al Qapshaǵaı sý qoımasy aýmaǵyndaǵy demalys oryndary jekeniń qolyna ótip ketkendikten, qalalyqtardyń ózi ol jaqqa bas suǵa almaıtyn bolypty. Endi sol demalys oryndary mýnısıpalıtet menshigine ótse degen oılar da aıtylyp qalyp jatty, deıdi Patrıottar partııasy Al­ma­ty qalalyq komıtetiniń birinshi hatshysy Gúldana Nurpeıisova. Sonymen qatar, turǵyndar sý qoı­masynda qutqarý qyzmetiniń joǵary deńgeıde bolýy, dema­lý­shy­larǵa qyzmet kórsetýge qajet­ti ınfraqurylymdardyń baryn­sha jetildirýi qajettigin de alǵa tartypty. Demalýshylardan jı­nal­ǵan qarjy solarǵa qyzmet kórsetýdi jetildirýge baǵyttalýy tıis. Asqar TURAPBAIULY.