Qazaqstan Musylmandary dinı basqarmasynyń О́skemen aımaǵy ókildiginiń ımamdary «Mektepke – jol» aksııasy aıasynda oblystyq Halıfa Altaı meshitinde eki júzge jýyq oqýshyǵa oqý quraldary men sómkelerdi tabys etti. Bul kúni az qamtylǵan jáne kóp balaly otbasynan shyqqan, jetim jáne ata-ana qamqorlyǵynsyz qalǵan balalar mektepke qajetti qural-jabdyqtardy alyp, bir qýandy.
«Balalardyń barlyǵyna birdeı meıirimmen qarap, qamqorlyq tanytý kerek. Kezinde Paıǵambarymyzdyń (s.ǵ.s.) nemereleriniń birin súıip jatqanyn kórgen Áqra ıbn Haabıs (r.a.): «Meniń on balam bar, eshqaısysyn da áli mańdaıynan sıpap kórgen emespin» depti. Sonda Paıǵambarymyz (s.ǵ.s.) oǵan: «Sen basqaǵa meıirbandyq kórsetpeseń, saǵan da Alla meıirbandyq kórsetpeıdi», dep jaýap beripti. Sol sebepten, jaqsylyq jasasańyz, aldymen balalaryńyzdan bastańyz», deıdi oblystyq Halıfa Altaı meshitiniń naıb ımamy Dáýlet Qabıdoldın.
О́skemen qalasynyń turǵyny Almagúl Tuqmaılovanyń qyzy Dılıara Q.Nurǵalıev atyndaǵy №43 mektep-lıseıinde oqıdy. «Jalǵyzbasty anamyn. Balam ekeýmiz páter jaldap turamyz. Sol sebepten bizge osyndaı qamqorlyq tanytyp, qoldaý kórsetken uıymdastyrýshylarǵa alǵysym sheksiz», deıdi ol.
Azamat QASYM,
«Egemen Qazaqstan»
О́SKEMEN
