24 jasar qazaqstandyq azamat Dıas Qadyrbaev 2015 jyly Amerıka túrmesinde 6 jylǵa jazasyn óteýge sottalǵan bolatyn. Ol 2013 jyly Bostonda aǵaıyndy Sarnaevtar jasaǵan lańkestik aktini tergeý kezinde aıypty dep tanyldy. Atap aıtqanda, ol dosy Azamat Tajaıaqovpen birge aǵaıyndy Sarnaevtardyń pırotehnıka salynǵan arqa qorjyny men noýtbýgyn joıyp jibergen bolatyn.
Syrtqy ister mınıstrligi Qadyrbaevtyń merziminen buryn bostandyqqa shyǵatynyn osyǵan deıin habarlaǵan bolatyn. Ol jazasyn Tehas shtatyndaǵy «Big Spring» federaldy túrmesinde ótedi.
29 tamyz kúni Dıas Qadyrbaev AQSh-tyń federaldyq túrmesinen bosatyldy. Bul aqparatty osy eldiń Immıgrasııalyq jáne kedendik polısııasynyń resmı ókili rastady.
«Qadyrbaev myrza AQSh-tan Qazaqstanǵa deportasııany kútip, AQSh-tyń Immıgrasııalyq jáne kedendik polısııasynyń qamaýynda qalady», deıdi polısııanyń baspasóz hatshysy Djon Mohan.
