Elbasynyń bes áleýmettik bastamasyndaǵy tapsyrmalardyń oryndalý jaıy oblysta ótken semınar-keńeste talqylandy.
Búginde basqa óńirler sııaqty Qyzylorda oblysynda da bilim oshaqtaryna qabyldanatyn oqýshylar sany kóbeıgendikten osy qadam jaqsy jaǵynan kórinip jatyr.
– Keler jyldan bastap «Bilim týraly» zańdaǵy alty jastan baratyn balalar normasy kúshine enedi. Ol kezde úsh aýysymdyq mektepterdiń týyndaý qaýipi bar. Endi biz muny memleket tarapynan qoıylyp otyrǵan talap – jekemenshik mektepterdi damytý arqyly sheshemiz, dedi oblystyq bilim basqarmasynyń basshysy Maıra Medelbekova.
Sol sııaqty jataqhana máselesi de sheshimin tabatyn bolady.
– Memleket tapsyrys arqyly ár jatatyn orynǵa jańa qurylys bolsa 122 aılyq eseptik kórsetkish tóleıdi. Al, modernızasııaǵa, bolmasa qaıtý qurý, rekonstrýksııa tásilimen jasalatyn bolsa 47 aılyq eseptik kórsetkishter stýdent basyna tólenedi. Odan basqa jataqhanalardy biz burynǵy jataqhana uǵymynda emes, qazirgi jańa uǵymda stýdenttik úıin jasaý kerek dep usynys aıtyp jatyrmyz,-deıdi «Qazaqstandyq memlekettik-jekemenshik áriptestigi ortalyǵy», dedi AQ basqarma tóraǵasynyń orynbasary Talǵat Mataev..
Memleket úshin ózekti máseleden kásipkerlerdiń de utatyny kóp. Birinshiden, memlekettiń damýyna úles qossa, ekinshiden, tapqan qarjysy ózine eselep tabys ákelmek.
Baqtııar TAIJAN,
«Egemen Qazaqstan».
Qyzylorda oblysy.
