Jazǵy sport • 14 Qyrkúıek, 2018

«Densaýlyq» festıvaline úsh myńnan astam adam qatysty

310 ret

kórsetildi

1 mın

oqý úshin

Qaraǵandy qalasynda ótken «Densaýlyq» festıvaline úsh myńnan astam adam qatysty. Salamatty ómir saltyn serik etken shahar turǵyndary áserli áýenniń yrǵaǵymen boı qyzdyryp, fleshmob pen sport saıystarynda kúsh synasty.

Egemen Qazaqstan

«Densaýlyq» festıvaline úsh myńnan astam adam qatysty

Shara barysynda sportsúıer qaýymǵa densaýlyq avtobýsy qyzmet kórsetip, ondaǵy arnaıy mamandar festıvalǵa qatysýshylardyń qan qysymyn ólshep, qan quramyndaǵy qant pen holesterındi anyqtady. Sonymen qatar olarǵa durys tamaqtaný men salamatty ómir saltyn ustaný týraly jekeleı keńester berildi.

Densaýlyq festıvalin uıymdastyrýshylardyń biri, oblystyq densaýlyq saqtaý basqarmasynyń basshysy Erjan Nurlybaev búginde turǵyndar arasynda dene shynyqtyrý men sportqa degen qyzyǵýshylyqtyń arta túskenin atap ótti.

– Oblysta sport alańqaılary, dene shynyqtyrý-saýyqtyrý keshenderi, basseınder ashylyp, jańa sport túrleri paıda bolyp jatyr. Munyń bári bizdiń turǵyndardyń salamatty ómir saltyn ustanýy úshin jasalyp jatqan ıgilikter, – dedi E.Nurlybaev.

Uıymdastyrýshylar aýyrmaıtyn joldy nusqar «Densaýlyq» festıvaliniń jyl saıyn dástúrli túrde ótkizilip turatynyn aıtty.

Qaırat ÁBILDA,

«Egemen Qazaqstan»

Qaraǵandy