2013 jyly Elbasy otbasylyq qundylyqtardy nasıhattaý maqsatynda «Mereıli otbasy» jalpyulttyq baıqaýyn uıymdastyrý týraly sheshim qabyldaǵan bolatyn.
- Qazaq halqy qashanda otbasyn qasıetti shańyraq retinde baǵalap, zor mańyz berip, kóziniń qarashyǵyndaı qorǵaǵan. Otbasynyń ar-namysyn saqtaýǵa, urpaq ósirip tárbıeleýge, óz urpaǵynyń elge adal qyzmet etýine asa mán bergen. Osyndaı dástúrli qundylyqtar qazaqtyń qaımaǵy buzylmaǵan Syr óńirinde erekshe saqtalýy zańdylyq dep oılaımyz. Otbasy altyn uıa, kıeli shańyraq bolsa, sol shańyraqtyń murageri, urpaq jalǵasy balalar bolyp tabylady. Balalarynyń boıyna ulttyq qundylyqtardy sińirip tárbıelep otyrǵan Syr eliniń Sizder sııaqty ónegeli otbasylaryna aıtar alǵysymyz sheksiz,-dedi oblys ákimi.
Shıeli aýdany, Eńbekshi aýylynyń turǵyny Erǵalı Ishanqulov jary, «Altyn alqa», «Kúmis alqa» tósbelgisiniń ıegeri Bahıra apamen 62 jyl bir shańyraqta ómir súrip, 14 ul-qyzdy dúnıege ákelgen. Búgingi tańda 61 nemere, 46 shóbere, 1 shópshek súıip otyrǵan bul áýlettiń ónegeli ómiri - elge úlgi.
Baqtııar TAIJAN,
«Egemen Qazaqstan»
Qyzylorda oblysy
