Baıqaýdyń maqsaty Elbasy N. Nazarbaevtyń «Tilderdiń úshtuǵyrlyǵy» mádenı jobasyn iske asyrý, úsh tildi – qazaq, orys jáne aǵylshyn tilderin jetik meńgergen qyzmetkerlerdi anyqtaý jáne qoldaý, jan-jaqty damyǵan, básekege qabiletti tulǵa tárbıeleý bolyp tabyldy.
Aýqymdy is-shara Qaraǵandy qalasynda beker ótip jatqan joq. О́tken jyly «Polıglot-2017» baıqaýynyń jeńimpazy bizdiń qyzmetker – О́rt sóndirý jáne avarııalyq qutqarý jumystary qyzmetiniń radıotelefonısti Saqbosynova Arý boldy.
Qaraǵandy oblysy Tótenshe jaǵdaılar departamentiniń bastyǵy azamattyq qorǵaý polkovnıgi Ibragım Kúlshimbaev is-sharany asha otyryp, bizdiń kópultty elimizde barlyq halyqtardyń mádenıeti men salt-dástúrine qurmetpen qaraıtyndyǵyn atap ótti: «Qazaqstan Prezıdenti Nursultan Nazarbaev qazaqstandyqtardy óz Otanynyń kóp ulttyǵy týraly maqtan tutady».
Baıqaý 5 týrdan turdy. Birinshi týr «Tanystyrý» boldy. Kelesi kezeńde memlekettik tilde berilgen termınderdi orys jáne aǵylshyn tilderinde nusqasyn jazý qajet boldy. Budan ári qatysýshylar Qazaq halqynyń salt-dástúrlerine, turmysy men mádenıetine baılanysty suraqtarǵa jaýap berdi.Tórtinshi týrda kartochkada berilgen tabıǵı jáne tehnogendik sıpattaǵy tótenshe jaǵdaılar týraly ahýaldy baǵalap, sıpattap berý qajet boldy. Sonymen qatar, osy jyly latyn grafıkasy boıynsha jańa týr engizildi.
Kenshiler astanasynda TJ komıteti bólimsheleriniń 17 qyzmetkeri: Astana, Almaty, Shymkent q.q. jáne oblystyń TJ departamentterinen, sonymen qatar, Kókshetaý tehnıkalyq ınstıtýtynyń qyzmetkeri til bilýden birinshi bolý úshin bas synasady. Olardyń barlyǵy óńirlik baıqaýdyń jeńimpazdary bolyp tabylady.
Baıqaýǵa qatysýshylardy QR IIM TJ komıteti Memlekettik til jáne aqparat basqarmasynyń basshysy Járke Batyrjannyń tóraǵalyǵymen qatal qazalar alqasy baǵalady.
Qatysýshylardyń bilimin baǵalaý kezinde tilderdi meńgerý deńgeıi, jaýaptarynyń sapasy jáne tolyqtyǵy, sóıleý, júris-turys máneri, ýaqyt reglamentin saqtaýy eskerildi.
Qatysýshylar ózderiniń bilimderi men sheberlikterin kórsete otyryp jeńiske umtyldy.
«Polıglot» baıqaýynyń qorytyndysy boıynsha 1 júldeli orynǵa Qyzylorda oblysy TJ departamentinen Beksultan Bıjigit ıe boldy. Ekinshi júldeli oryndy Kókshetaý tehnıkalyq ınstıtýtynyń tyndaýshysy Serik Ádilet aldy, al úshinshi oryndy Qaraǵandy oblysynyń TJD Júnis Aıdana ıelendi.
«Polıglot» respýblıkalyq baıqaýyna qatysýshylardyń barlyǵyna estelik syılyqtar berildi.
