Taqyryptyq kabınetterdi tekserý barysynda Oqýshylar saraıynyń dırektory A. Erýbaeva mekemeniń jumysy, ony tehnıkalyq jaraqtandyrý jáne AT-synyptardyń múmkindikteri týraly aıtyp, adamnyń belgili-bir kásibı qyzmetke degen ıkemdiligin, jeke tulǵalyq qasıetterin, darynyn, daǵdylaryn dıagnostıkalaýǵa arnalǵan Touch table ınteraktıvti kásibı baǵdarlanǵan modýlimen tanystyrdy.
Baqytjan Saǵyntaev balalar tehnoparkiniń jáne bıznes-ınkýbatordyń jumysyn tekserdi. Tárbıelenýshiler robotty tehnıka zerthanasynda ártúrli kúrdelilik deńgeıindegi keshenderdi kórsetip, olardyń qoldanylýy týraly aıtyp berdi. Al AT-synypta ázirlengen jobalar men baǵdarlamalar kórsetildi. Sondaı-aq, oqýshylardyń foto jobalarynyń qysqa tanystyrylymy ótti. Buǵan qosa, Premer-Mınıstr astronomııalyq zerthananyń ǵylymı-tehnıkalyq jaraqtandyrylýymen tanysty.
Sondaı-aq, Oqýshylar saraıynda 3D modeldeý zerthanasy, mobıldi qosymshalar men saıttar jáne basqa da jobalar ázirlenip, kásipkerlik negizine úıretetin StartUp stýdııasy ornalasqan.
Qazirgi kezde mekemede 36 kabınet jumys isteıdi. Olardyń ishinde mamandandyrylǵan robotty tehnıka, ınteraktıvti qurylǵymen jabdyqtalǵan 9 synyp, mýltımedııalyq qurylǵymen jabdyqtalǵan astronomııalyq synyp, dybys jazý stýdııasy, 5 vokal stýdııasy, qazaq ulttyq aspaptary orkestri synyby, «Lých» kınostýdııasy, astronomııa zerthanasy, ekologııalyq zerthana, foto túsirý alańy bar. Sonymen qatar, robotkesheni zerthanalary, astrozerthana, 3D modeldeý, startap-akademııasy, AT-synyby, 3 horeografııalyq zal, kitaphana, mýzeı, 400 oryndyq úlken teatr zaly, 150 adamǵa arnalǵan kishi dáris zaly jumys isteıdi. Observatorııa 2 kún, 3 planetarly teleskoppen jabdyqtalǵan. 2014 jyly planetarıı sıfrlyq kınoteatrmen tolyqty.
2014–2017 jyldary 124 robotty tehnıka, astronomııa, jýrnalıstıka, horeografııa, vokal, sándi-qoldanbaly ónerden ótken halyqaralyq jáne respýblıkalyq jarystarda Oqýshylar saraıynyń tárbıelenýshileri 478 júldeli oryndy ıelengen. 2017–2018 jyldary balalar 51 túrli jarysqa qatysyp, 215 júldeni enshiledi. Onyń ishinde 11 Gran-prı, 89 ret birinshi oryn, 54 – ekinshi, 56 – úshinshi oryn jáne 5 kýbok bar.
Oqýshylar saraıynda múmkindigi shekteýli balalar da qalys qalmaǵan, munda 4-5 jasar balalarmen jumys isteıtin eksperımenttik toptar bar.
