Qazaqstandyqtar talǵamy ózgerissiz

Keshe Áleýmettik-saıası zertteýler ınstıtýty buqaralyq aqparat qural­da­ry úshin brıfıng ótkizdi. Brıfıngtiń maq­saty «Partııalar reıtıngi – 1 ól­shemi» boıynsha áleýmettik zertteý­ler­diń nátıjesin jarııalaý edi. Bul jolǵy suraý salýlar 6-16 jeltoqsan aralyǵyn qamtysa, saýaldama Qazaqstannyń bar­lyq oblystarynda, sonymen birge, res­pýb­lıkalyq mańyzy bar qalalar – Astana men Almatyda turǵylyqty meken-jaı­lar boıynsha suhbat ádisimen ót­kizildi. Saýaldamaǵa jasy 18-den asqan el azamattary qatystyryldy. Olardyń jalpy sany 2000 adamdy qurady. Brıfıngte Áleýemettik-saıası zertteýler ınstıtýtynyń dırektory, áleý­mettaný ǵylymdarynyń doktory, ádis­nama jáne taldaý bóliminiń jetekshisi Aıgúl Sádýaqasova men áleýmettaný magıstri Aınur Májıtova sóz sóıledi. Instıtýt dırektory Aıgúl Sádýaqasovanyń aıtýyn­sha, zertteý nátıjesinde qazaqstandyqtardyń elekto­ral­dyq belsendiligi qazirgi kezde 67,2 paıyzdy quraı­tyny belgili bolyp otyr. «Siz 2012 jyldyń 15 qań­ta­rynda ótetin Parlament Májilisiniń depýtattaryn saılaýda daýys berýge barasyz ba?» degen saýalǵa suraý salynǵandardyń joǵaryda kórsetilgendeı paıyzy «ıá» dep naqty jaýap qaıtarǵan. «Siz qaı partııaǵa daýys beretin bolasyz?» degen suraqqa jaýaptar boı­ynsha qalyptasqan saıası birlestikterdiń reıtıngi tómendegishe: «Nur Otan» halyqtyq-demo­kra­tııa­lyq partııasy – respondentterdiń 80,5 paıyzy; Qazaqstannyń «Aq jol» demo­kra­tııalyq partııasy – 7 paıyz; Jalpyulttyq sosıal-demo­kra­tııa­lyq partııasy (JSDP) – 2,4 paıyz; Qazaqstannyń Kommýnıstik halyqtyq partııasy – 2 paıyz; Qazaqstannyń «Ádilet» demo­kratııalyq partııasy – 1,1 paıyz; Qazaqstan Patrıottary partııasy – 0,6 paıyz; Qazaqstannyń «Aýyl» sosıal-demokratııalyq partııasy – 0,4 paıyz; «Rýhanııat» partııasy – 0,1 paıyz. Respondentterdiń 5,9 paıyzy qaı partııaǵa daýys beretinin áli sheshpepti. Al saýaldama suhbat ádisimen júrgizilgen. Tańdaýdaǵy aýytqýshylyqtar 2 paıyz shamasynda bolýy yqtımal. Suraý salýlardyń demeýshilerdiń qarjysyna júrgizilgenin de aıta ketken jón. RSS: Qazaqstandyqtardyń qaı partııaǵa basymdyq beretini ózgerissiz qalyp keledi. «Egemen-aqparat».