Joba pılottyq rejımde eki aı merziminde Qazaqstannyń 14 aımaǵynyń júzege asyrylady.
Elbasy aǵylshyn tilin jan-jaqty úırený álemdik deńgeıdegi úrdis ekenin atap ótti. Biz jáne «Bolashaq» qaýymdastyģy joǵary bilimdi, básekege qabiletti jastardy tárbıeleýde úles qosýdy maqsat tutamyz. Sondyqtan, «Jastar-Otanǵa» jastar saıası lageri aıasynda biz «English for Jastar» jobasyn iske qostyq», - dep «Nur Otan» partııasynyń «Jas Otan» jastar qanatynyń Tóraǵasy Danııar Súndetbaev málimdedi.
Joba maqsaty - Qazaqstan aımaqtarynda aǵylshyn tiliniń bilim deńgeıin arttyrý jáne aǵylshyn tilin meńgerýdi qol jetkizimdi etý. «Joba aıasynda 84 aýyldyq jáne aımaqtyq deńgeıde 7000 mektep oqýshylaryna aǵylshyn tilin úıretetin bolamyz. Jobaǵa qatysýǵa aǵylshyn tilik jetik meńgergen 141 jas qyzyǵýshylyq tanytty», - dedi «Nur Otan» partııasy «Jas Otan» jastar qanatynyń atqarýshy hatshysy Dáýlet Káribek.
28 sheteldik jáne 140 astam jergilikti mamandar, solardyń qatarynda Olımpıada chempıony, QR Parlamentiniń Májilis depýtaty Serik Sápıev, 2018 jyldyń qyrkúıeginen qarasha aıyna deıin 9-11 synyp oqýshylaryna aǵylshyn tilin qosymsha túrde úıretetin bolady. «Jobanyń jumys toby sheteldik eriktilerdi irikteýmen muqııatty túrde, asa jaýapkershilikpen jete aınalysty. Eriktilerdiń árqaısysymen vıdeosuhbat júrgizilip, olardyń densaýlyǵy jaıly jáne eshbir krımınaldyq quqyq buzýshylyqqa qatysy joqtyǵy týraly anyqtama jáne qujattar jınaldy. Sonymen qatar, sheteldik eriktilerdiń joǵary bilimi, balalarmen jumys isteý jáne aǵylshyn tilin úıretý tájirıbesi baryn rastaıtyn qujattar suratyldy», - dep atap ótti «Bolashaq» qaýymdastyģy atqarýshy dırektory Laýra Demesinova. Sonymen qatar, ol Joba negizgi sabaq josparynyń oryndalýyna esh kedergi keltirilmeıtindeı, tek qosymsha ýaqytta ótetinin málimdedi.
Joba uıymdastyrýshylary - «Nur Otan» partııasy «Jas Otan» Jastar qanaty jáne «Bolashaq» qaýymdastyģy. Jobaǵa akademııalyq qoldaýdy «Interpress» tildik ortalyǵy kórsetýde – oqýshylar Oxford University Press (Anglııa) baspasynyń «Solutions» oqý quraldarymen oqıtyn bolady. Budan basqa, Jobaǵa otandyq jáne halyqaralyq kompanııalar qoldaý kórsetedi, solardyń ishinde: «AIESEC», «Nazarbaev Ýnıversıteti» «Bilim berý kóshbasshylar ortalyǵy» JShS, «Qazaq Air» AQ, «Meloman HOME VIDEO» JShS, QazUÝ, Qazaqstandaǵy ishki týrızmdi damytýǵa baǵyttalǵan «4KZTours» amerıkandyq kompanııasy, jáne «LingvaTen» tildik mektebi.
