Foto: fainaidea.com
Bıznes ókilderi bankterge óz qarajattaryn senip tapsyrady. Alaıda, taratý, lısenzııalardy qaıtaryp alý jáne birneshe iri bankterdi biriktirý aıasynda korporatıvtik salymdar qysqarady. Máselen, zańdy tulǵalardyń depozıtteriniń kólemi tamyz aıyna qaraı 8,72 trln teńgeni qurady. Bul maýsym aıyna qaraǵanda kóp bolǵanymen, bir jyl burynǵymen salystyrǵanda 1,6 %-ǵa az.
Korporatıvtik salymdar úshinshi jyl qatarynan qysqarýda. Sonymen qatar, qorlandyrýdaǵy olardyń róli aıtarlyqtaı tómendedi. Máselen, bank depozıtteriniń jalpy kóleminen zańdy tulǵalardyń úlesi 50,6 %-dy ǵana quraıdy. Bir jyl buryn bul san 52,5 % bolsa da, bólshek salymdarmen teń, al bes jyl burynǵy kórsetkish – 62,5 %.
Ekinshi deńgeıli bankterdiń halyqtyń depozıtterine degen qyzyǵýshylyǵynyń ósýi aıasynda kóptegen qarjy uıymdary korporatıvtik salymdar naryǵyndaǵy pozısııasynan aıyrylady. Sondyqtan saladaǵy úlesi 5 %-dan asatyn Qazaqstan Respýblıkasyndaǵy iri 7 qarjy ınstıtýtynyń arasynda Bıznestiń depozıtteriniń jyldyq ósimi 5 bankte ǵana baıqalǵan.
Eń úlken ósim ForteBank-te zańdy tulǵalarǵa, sondaı-aq halyqqa (jylyna+16,1%), sodan keıin korporatıvtik Sıtıbankte (jylyna birden +35,6%) jáne birikken Kazkommersbanktiń (eki ese derlik) esebinen Halyq bankinde tirkelgen. Jetekshi jeti bankten taǵy eki bank – ATF bank pen "Bank SentrKredıt" AQ zańdy tulǵalardyń salym portfelin 2 %-ǵa ulǵaıtty.
Sberbanktiń korporatıvtik salymdar portfeli bir jyl ishinde 2 %-ǵa derlik qysqardy, al Sesnabank birden 15 %-ǵa qysqarǵan.
Esterińizge sala keteıik, qarjy salasyndaǵy iri ekinshi deńgeıli bankter zańdy tulǵalardyń barlyq salymdarynyń 78 %-yn shoǵyrlandyrady, bul kórsetkish bir jyl buryn 58,2% bolatyn.
Bir jyl merzimde tanymal segmenttegi bıznes úshin depozıtter boıynsha zańdy tulǵalardyń salymdar qorjynynyń jyldyq ósýin kórsetken jetekshi bankterdiń arasynda eń joǵary mólsherleme ForteBank-te – 8,25 % (SJT - 8,6%) qurady,. Odan keıin SentrKredıt – 8 % (SJT - 8%) jáne Halyq banki – 6,75 % (SJT - 6,63%) bolyp keledi.
Salym somasy boıynsha shekteýdi 2 EDB – Forte 3 mlrd teńgege deıin jáne Halyq banki 1 mlrd teńgege deıin kórsetti. Sonymen qatar ATF bank óz resmı saıtynda shekteýsiz somany belgilegen. Segmenttegi eń tómengi salym somasy 2 myń teńgeden 1 mln teńgege deıin ózgeredi.
ATF Bank pen Sıtıbank ózderiniń ınternet resýrstarynda korporatıvtik depozıttik ónimder týraly tolyq aqparatty usynbaǵan.
Sholýǵa engen bankterdiń tıptik tıimdi usynystary qarastyrylǵan.
Tutastaı alǵanda, ekinshi deńgeıli bankterdiń jetekshi bestiginde shartty salymdardy qosa alǵanda, mysaly, óndirýshi sala kásiporyndarynyń taratý qoryn qalyptastyrý úshin nemese stavkalary aıtarlyqtaı tómen sheteldik jumys kúshin tartý úshin zańdy tulǵalarǵa ártúrli ónimder bar.
Sondaı-aq, salym sharty merziminen buryn buzylǵan jaǵdaıda mólsherleme tómendeýi múmkin nemese ishinara alý jáne qosymsha jarnalar esebimen salymdy ashqan kezde az bolýy yqtımal.
Arnur ASQAR,
«Egemen Qazaqstan»
