Onyń bir mysaly retinde, aǵymdaǵy jyldyń 28 maýsymyndaǵy Departament basshysy Rasýl Medetovtiń sybaılas jemqorlyqqa qarsy ulttyq bıýronyń aýmaqtyq departamenti basshylyǵymen birge ótkizgen Aqtóbe oblysynyń IID jeke quramymen kezdesýin aıtýǵa bolady. Sharada qylmystyq jaýapkershilikke tartylǵan ishki ister departamentiniń qyzmetkerleri jóninde statıstıkalyq málimetter jarııalanyp, kezdesýdiń qorytyndysynda Rasýl Medetov polısııa qyzmetkerlerin sybaılas jemqorlyq kórinisterine múldem tózbeýge shaqyrdy.
Nátıje ózin kóp kúttirgen joq. Osylaısha, aǵymdaǵy jyldyń 18 shildesinde Aqtóbe oblystyq IID jol-patrýldik qyzmet saqshylarymen Tileý batyr jáne Eset batyr kósheleriniń qıylysynda qaýipsizdik beldigin taqpaı, jol júrý erejesin buzǵany úshin avtokólik júrgizýshisi toqtatyldy. Júrgizýshi ákimshilik jaýapkershilikten jaltarý maqsatynda ınspektorǵa 2000 teńge kólemindegi zańsyz syıaqy usynǵan.
Joǵaryda atalǵan áreketter beınetirkeý kamerasyna túsirilip, QR ÁQBTK 676 babyna sáıkes júrgizýshige Departament qyzmetkerlerimen ákimshilik hattama toltyrylyp, is sotqa jiberildi jáne aǵymdaǵy jyldyń 3 qyrkúıeginde Aqtóbe qalasynyń mamandandyrylǵan ákimshilik sotynda qaraldy.
Jol júrý erejesin buzyp, jol polısııa qyzmetkerlerimen 2000 teńgege kelispek bolǵan júrgizýshi endi 481 000 teńge kóleminde aıyppul tóleýge mindetti.
Bul jaǵdaıda JPP qyzmetkerleri ózderiniń fýnksıonaldyq mindetterin jaýapty oryndap, aryn paraǵa satpady. Mundaı qyzmetkerler ózge tártip saqshylaryna úlgi bolýy tıis, dep sanaımyz.
Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti oblys turǵyndaryn para berýden bas tartýǵa shaqyrady. Odan da aıyppul tólep, bıýdjetti toltyrǵan durys, keıin bul qarjy turǵyndardyń ál-aýqatyn arttyrýǵa jumsalatyn bolady.
