Agenttiktiń aýmaqtyq departamentiniń basshysy Nurgúl Jannazarova Qaraqııa aýdanyna qarasty Bolashaq aýylynda bolyp, jolaýshylar men jolserikterge arnaıy daıyndalǵan broshıýralar taratyp, sybaılas jemqorlyq derekteriniń aldyn-alý baǵytynda atqarylyp jatqan jumystar týraly aqparatpen bólisip, jolaýshylar men jolserikterdiń suraqtaryna jaýap berdi.
Ásirese memlekettik qyzmet kórsetýdi elektrondy túrde alýdyń mańyzdylyǵy men tıimdiligi, halyqtyń óz ýaqyttaryn únemdi paıdalaný jaǵy túsindirildi. Qyzmet alýshylarda belsendilik tanyta aldy, elektrondy sıfrlyq qoltańba alýdan bastap, basqa da memlekettik kórsetiletin qyzmetterdi alý tártibine qyzyǵýshylyq tanytty. Sonymen qatar, jolaýshylarǵa arnaıy bezendirilgen jadynamalar usynyldy.
Sondaı-aq, Bolashaq aýyly turǵyndarymen de kezdesý ótti. Kóterilgen máseleniń deni áleýmettik salaǵa qatysty boldy. Atap aıtqanda ambýlatorııadaǵy dári-dármektiń jetispeýi, sanıtarlyq avııasııanyń kelmeıtindigi jáne dárigerdiń joqtyǵy aıtyldy.
Sondaı-aq, №10 orta mekteptiń ujymymen de kezdesý uıymdastyrylyp, bilim salasyndaǵy ózgerister jáne jańa bastamalar, sybaılas jemqorlyqtyń aldyn-alý baǵytynda áńgimeler qozǵaldy.
Bolashaq aýylynyń qurylǵanyna bıyl 6 jyl. Jańaózen shaharynan 190 shaqyrymda ornalasqan aýylda búginde 600-den astam adam turady. Ákimdikte 4 qyzmetker jumys jasaıdy. Munda bir mektep, bir balabaqsha jáne bir ambýlatorııa ǵana bar. Shaǵyn kásippen aınalysyp otyrǵandar da kezdesedi.
