Buǵan deıin «Egemen akademııasynyń» birinshi maýsymy aıaqtalyp, oǵan júzden astam stýdent qatysqan bolatyn. Alǵashqy maýsymda Aqparat jáne kommýnıkasııalar mınıstri D.Abaev, qoǵam jáne memleket qaıratkerleri stýdentterge dáris oqydy. Endi «Akademııanyń» ekinshi kezeńi bastalady.
Joba jas jýrnalısterdiń bilimin shyńdaýǵa, biliktiligin arttyrýǵa jáne zamanaýı trendtermen tanysýǵa múmkindik beredi.
«Akademııada» elimizdiń jýrnalıstıka salasynyń maıtalmandarymen qatar salalyq taqyryptar boıynsha mamandar bilimimen bólisedi. Jobanyń maqsaty –qazaqtildi basylym qyzmetkerleriniń bilimin arttyryp, salalyq jýrnalıstıkaǵa beıimdeý, sondaı-aq ózekti taqyryptar tóńireginde talqylaý alańyn keńeıtý.
Joba barysynda jańalyq jazýdan bastap, data jýrnalıstıka, faktchekıng sekildi keıingi kezde trendke engen taqyryptar aıasy da qamtylady. Joba úsh aıdan turatyn kýrstarǵa bólingen. Ár kýrs aıaqtalǵan kezde ótken sabaqtar boıynsha tanymdyq maqala, esse jáne saraptamalyq materıal jazǵan belsendi qatysýshylarǵa arnaıy sertıfıkat tabystalady.
«Egemen akademııasyna» qatysýǵa nıet tanytqandarǵa esigimiz ashyq. Ol úshin www.egemen.academy saıtyna kirip tirkelý qajet. Tirkelý merzimi 1 qazanǵa deıin sozylady. Semınarlar qazan aıynan bastap ótkizile bastaıdy. Alǵashqy dáris 5 qazanda bolady.
Qosymsha suraqtar boıynsha +7 7172 37 60 74, +7 7172 37 56 80 nómirlerine qońyraý shalyp, academy@egemen.kz elektrondy poshtasyna jaza alasyzdar.
