Qostanaı-Áýlıekól-Surǵan tas joly boıynda ol júrgizip bara jatqan úlken júk mashınasy tirkemesiniń dońǵalaǵynan órt shyǵady. Ol sasyp qalady, ne isterin bilmeı júgirip júrgende, jol-patrýldik polısııasy batalonynyń qyzmetkerleri Berik Baıkenov pen Arman Jolmaǵambetov kele qalady da, ózderiniń órt sóndirý quraldarymen otty óshirip alady. Polıseıler órtti kórisimen aldymen tirkemeni mashınandan ajyratady, joldy qorshaıdy. Jolaýshy mashınalardan da órt sóndirý quraldaryn alyp, janyp jatqan dońǵalaqty óshiredi. Birge kele jatqan uzaq joldaǵy júrgizýshiler de polıseılerdiń saýatty, jyldam, saspaı jasaǵan qımylyna rıza bolady.
«Kóz aldymyzda mashınadan ot shyqty. Alys jolǵa shyqqan júrgizýshilerdiń órt sóndiretin quraldary bolýy tıis. «Kerek tastyń aýyrlyǵy joq» d egen ǵoı atalarymyz» deıdi polıseıler. Olar júrgizýshige mashınanyń dońǵalaǵyn aýystyrýǵa da kómek berip, jolǵa salyp jiberdi. Qyrǵyzstandyq Tashpýlat Hasanov qostanaılyq polıseılerdiń tek kómegine ǵana emes, olardyń adamgershiligine, onyń jasyn syılaǵan tárbıeliligine de rızashylyǵyn bildirip, alǵysyn aıta-aıta ketipti.
Názıra JÁRIMBET,
«Egemen Qazaqstan»
Qostanaı
