Esterińizge sala keteıik, 22 qyrkúıek kúni əleýmettik jelilerde qaladaǵy kafelerdiń birinde tártip buzǵan úsh azamat jaıly beınejazba jarııalanǵan bolatyn. Olar daıashydan túbirtekti memlekettik tilde ákelýdi talap etip, ákelmegen jaǵdaıda aqsha tóleýden bas tartatyndaryn jetkizgen.
«Olar — memlekettik qyzmetshiler» degen aqparatpen BAQ jáne «Facebook» áleýmettik jelisinde qoǵamdyq rezonans týǵyzǵan azamattardyń is-áreketine qatysty jarııalanǵan synı materıaldar men pikirler (beıne kórinis) jazylǵan edi.
QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentimen beıne kórinisterdi zerdeleý barysynda Aqtaý qalasynda ornalasqan kafelerdiń birine kelýshi úsh azamattyń bireýiniń ǵana memlekettik qyzmetshi, ıaǵnı, kók jeıdede otyrǵan azamat memlekettik qyzmetke alǵash ret qabyldanǵan (17.09.2018j) jáne búgingi tańda úsh aı synaq merziminen ótýshi Aqtaý qalasy ákimi apparatynyń bas mamany E.Anesov ekeni anyqtaldy.
Al qalǵan eki azamat memlekettik qyzmetshi bolyp tabylmaıdy.
Beınekórinistegi negizgi oqıǵa kafe qyzmetkerleri men basqa jeke tulǵanyń (memlekettik qyzmetker emes) arasynda oryn alǵan.
Eskere ketetin bir jáıt, memlekettik qyzmetshi E.Anesov quqyq qorǵaý qyzmetkerleri kelgenge deıin oqıǵa ornynan ketip qalýyna baılanysty onyń masań kúıde bolý jaǵdaıyn tıisti quzyrly organdarymen anyqtaý múmkin bolmaǵan.
Qazirgi ýaqytta Aqtaý qalasy ákimdiginiń habarlaýynsha, tártip buzǵan memlekettik qyzmetshige qatysty qyzmettik tekserý taǵaıyndalyp, nátıjesi qosymsha baıandalatyny týraly aqparat tarady.
Jalpy E.Anesovtyń tártipsizdikke jol bermeýin oǵan bekitilgen tálimgeri jáne qala ákimdiginiń Ádep jónindegi ýákili baqylaý kerek bolatyn. Aldaǵy ýaqytta, qala ákimdigindegi memlekettik qyzmetshilerdiń tártibi jóninde Aqtaý qalasy ákiminiń orynbasary, Ádep jónindegi ýákil Gúlmıra Qalmuratovadan kezekti Ádep jónindegi keńes otyrysynda suralmaq.
