Olar merekelik is-sharalar kezinde jarylys jasap, qalanyń ekinshi aýdanynda kólikti bombalaýǵa daıyndalǵan. Teraktyń naqty orny týraly aqparat berilmedi. Sonymen qatar, kúdiktilerdiń de aty jarııalanbaýda. Arnaıy operasııalardyń Arnem men Verte qalalarynda ótkeni ǵana belgili boldy.
Málimetterge súıensek, basty kúdikti buǵan deıin 2017 jyly Sırııa men Irakqa ketý áreketterinde baıqalǵan. Kúdiktilerdiń jasy 21 men 34 jas aralyǵynda.
Tergeý isi aǵymdaǵy jyldyń sáýir aıynda jalpy barlaý men qaýipsizdik qyzmetine kelip túsken aqparattar boıynsha bastalǵan. Ustalǵandardan 5 oqty qarý tárkilengen.
Nıderlandynyń ádilet jáne qaýipsizdik mınıstri Ferdınand Grapperhaýs memlekettegi terrorıstik qaýip tórtinshi deńgeıde saqtalatynyn málimdedi.
