Is-sharany Halyqaralyq ózara túsinistik jónindegi iskerlik keńes (Business Council for International Understanding, BCIU), sondaı-aq birlesken saýda-ekonomıkalyq jáne ınvestısııalyq jobalardy júzege asyrýǵa múddeli amerıkalyq kompanııalar uıymdastyrdy.
«Zamanaýı Qazaqstan álemdik ekonomıkaǵa ıntegrasııalanǵan. 2015 jyldan bastap Dúnıejúzilik saýda uıymyna múshe bola otyryp, Ekonomıkalyq yntymaqtastyq jáne damý uıymyna qosylýǵa umtylamyz. Prezıdent Nursultan Nazarbaev ulttyq ekonomıkany sıfrlandyrý men tehnologııalyq qaıta jabdyqtaýǵa basty nazar aýdara otyryp, ulttyq ekonomıkanyń úshinshi jańǵyrtý baǵdarlamasyn iske qosty», - dedi óz sózinde Q. Ábdirahmanov.
«Qazaqstan men AQSh bıylǵy jyldyń qańtar aıynda Nursultan Nazarbaev pen Donald Tramp qol jetkizgen ýaǵdalastyqtardyń nátıjesinde strategııalyq áriptestik rýhynda saýda-ekonomıkalyq qarym-qatynastardy nyǵaıtýda. Memleket basshylary saýda men ınvestısııanyń artýyna múmkindik beretin, eki elde jumys oryndary men múmkindikterdi quratyn ádil jáne ózara tıimdi ekonomıkalyq áriptestikti ilgeriletýge járdemdesý týraly ýaǵdalasty», - dedi SIM basshysy. Onyń aıtýynsha, Qazaqstan men AQSh azamattyq avıasııa salasynda tikeleı áýe qatynasyn qurý týraly kelisimge qol qoıýdy josparlaýda.
2017 jyly Qazaqstan men AQSh arasyndaǵy taýar aınalymy 1,88 mlrd. dollardy qurady. Amerıka Qurama Shtattary 42 mlrd. dollar jalpy ınvestısııa kólemimen dástúrli túrde Qazaqstandaǵy eń iri ınvestor bolyp tabylady. Byltyrǵy jyly AQSh kompanııalary Qazaqstan ekonomıkasyna 3,7 mlrd. dollardan astam ınvestısııa saldy. Qazirgi ýaqytta Qazaqstanda 500-den astam AQSh kompanııalary jumys isteıdi, olardyń altaýy Prezıdent janyndaǵy Sheteldik ınvestorlar keńesiniń músheleri bolyp tabylady (CITI Group, JP Morgan and Co., Chevron, Exxon Mobil, GE Oil & Gas, Baker & McKenzie Int.). Syrtqy ister mınıstriniń aıtýynsha, qazirgi kezeńde densaýlyq saqtaý, mashına jasaý, qurylys, aýyl sharýashylyǵy, azyq-túlik ónerkásibi jáne basqa da salalarda amerıkalyq tájirıbe suranysqa ıe.
Sonymen qatar, Q. Ábdirahmanov múddeli kompanııalardy 2018 jylǵy 25-26 qazanda Astanada ótetin Dúnıejúzilik densaýlyq saqtaý uıymynyń Alǵashqy medısınalyq-sanıtarlyq kómek týraly Almaty deklarasııasynyń qabyldanýynyń 40 jyldyǵyna arnalǵan jahandyq konferensııaǵa qatysýǵa shaqyrdy.
Qazaqstan Densaýlyq saqtaý vıse-mınıstri Alekseı Soı kezdesýde Qazaqstannyń densaýlyq saqtaý salasyndaǵy amerıkalyq kompanııalarmen birlesken jobalar týraly, sondaı-aq yntymaqtastyqty keńeıtýdiń aldaǵy josparlary týraly habarlady.
