27-28 qyrkúıek kúnderi Bas xatshy BUU-nyń Bas xatshylyǵynyń ókilderimen, BUU-nyń seriktestik boıynsha keńse basshysy Iýg-Iýg Djordj Chedıekpen, BUU damý jónindegi baǵdarlamasynyń basshysy Rastıslav Vrebenskımen, О́rkenıetter alıansynyń Joǵary ókili Nasır Abdýlazız Al-Nasermen, BUU janyndaǵy IYU-nyń turaqty baıqaýshysy Agshın Mehdıevpen kezdesti. Bul kezdesý barysynda BUU-nyń arnaıy qurylymdarynyń Túrki memleketteri men keńse músheleriniń memleketterimen seriktestikti damytýdyń joldary talqylandy.
27 qyrkúıek kúni Túrki tildes elder keńesiniń delegasııasy Qyrǵyzystannyń BUU-daǵy turaqty ókili uıymdastyrǵan «Adamdar jáne planeta: Ortalyq Azııa halyqaralyq yntymaqtastyqqa shaqyrady» atty sharaǵa qatysty.
Sol kúni Túrki keńesiniń Bas hatshysy B. Ámireev BUU-nyń О́rkenıetter alıansynyń mınıstrler konferensııasynda sóz sóıledi. О́z sózinde Túrki Keńesiniń halyqaralyq kúntizbedegi álemde beıbitshilik pen qaýipsizdikti qamtamasyz etý sharalaryna jergilikti uıym retinde qatysýǵa daıyn ekenin bildirdi. Bas hatshy Mınıstrler keńesine BUU-nyń О́rkenıetter alıansymen zorlyq pen dinaralyq, etnıkaaralyq qaqtyǵyssyz beıbitshilik ornatý, órkenıet dıalogy jahandyq áreketin qoldaýdy damytý týraly keńesterin tanystyrdy.
28 qyrkúıek kúni Túrki Keńesiniń Bas hatshysy Qazaqstannyń «Terrorızmnen azat álemge jetý týraly» Kodeks jobasynyń tanystyrylymyna qatysty.
Shara barysynda Baǵdat Ámireev BUU-nyń 70-ten asa memlekettegi ókilderimen birge Túrki Keńesiniń atynan Qazaqstan Respýblıkasynyń Prezıdenti N. Nazarbaevtyń usynysymen ázirlengen «Terrorızmnen azat álemge jetý týraly» Kodeks jobasyn júzege asyrý úshin qujatqa qol qoıdy.
Is-sapar sońynda Bas hatshy BUU-nyń 73-shi sessııa barysyndaǵy debattarǵa qatysty.
