G.Ábdiqalyqova Elbasy N.Á.Nazarbaevtyń saltanatty is-sharaǵa qatysýshylarǵa arnalǵan quttyqtaýyn oqyp berdi. Onda Qyzylorda óńiri ejelden qazaq ultynyń uıysqan ordasy bolǵany, búgin de sol mánin saqtap otyrǵany atap ótilgen. Qobyz atasy – Qorqyt babamyzǵa topyraq osy daladan buıyrdy. Bul jerde qazaq jyrshylyq óneriniń mektebi qalyptasty. Syrdarııanyń jaǵasynda joǵary damyǵan qalalardyń paıda bolýy kezdeısoq emes. Elimizdiń tuńǵysh mádenı-aǵartý ortalyǵy bolǵan Qyzylorda oblysy búginde Qazaqstannyń damyǵan óńirleriniń birine aınaldy. Qazirgi Qyzylorda – Táýelsizdiktiń jáne birliktiń sımvoly.
Qazaqstanda elimizdiń Úshinshi jańǵyrýy aýqymdy túrde júzege asyrylýda. Onyń mańyzdy basymdyqtarynyń biri – «Sıfrly Qazaqstan» baǵdarlamasy. Osy baǵdarlama aıasynda «Smartcity» tujyrymdamasy ázirlendi. Munda «aqyldy» jáne ómir súrýge yńǵaıly qala qalyptastyrýdy kózdeıtin negizgi baǵyttar, jobalar men sheshimder qamtylǵan. Bıyl Qyzylorda oblysy aqyldy basqarý tájirıbesi synnan ótetin aımaq bolyp belgilendi. Osy maqsatpen 33 jobany júzege asyrý josparlanyp otyr.
Jumys sapary barysynda Memlekettik hatshy birqatar áleýmettik nysandardyń jumysymen tanysty. G.Ábdiqalyqova «Rýhanı jańǵyrý» oblystyq ortalyǵynyń saltanatty ashylý rásimine qatysty, sondaı-aq Á.Tájibaev atyndaǵy kitaphananyń IT-parkin, Nazarbaev zııatkerlik mektebin, Dostyq úıin aralap kórdi.
Merekelik is-sharadan soń elimizdiń belgili ártisteri men jetekshi óner ujymdarynyń qatysýymen úlken gala-konsert ótti.
