Mınıstr Aqtaý qalasynda ótken Kaspıı sammıti, Halyqaralyq Araldy qutqarý qorynyń quryltaıshy memleketteri basshylary deńgeıindegi otyrysynyń jáne Túrki tildes memleketterdiń yntymaqtastyq keńesi sammıtiniń qorytyndylary týraly habardar etti. SIM basshysynyń aıtýynsha, Qazaqstan Bas hatshyǵa BUU-ny reformalaý, turaqty damýdyń maqsattaryna qol jetkizý, qazirgi zamanǵy qaýip-qaterlerge qarsy turý jáne Uıymnyń Orta Azııadaǵy qatysýyn qamtamasyz etýde qoldaýyn jalǵastyrýǵa nıetti.
A. Gýterrısh Kaspıı teńizindegi Aqtaý sammıtiniń tarıhı mańyzdylyǵyn atap ótip, BUU Ortalyq Azııa memleketteriniń yntymaqtastyǵyn odan ári nyǵaıtýǵa daıyn ekendigin bildirdi. Ol Qazaqstan bastamasymen usynylǵan «Terrorızmnen azat álemge qol jetkizý» úshin minez-qulyq Kodeksin qoldaıtyndyǵyn aıtty. «Biz álemniń berik tiregi bolyp tabylatyn Prezıdent N. Nazarbaevtyń bastamalaryn joǵary baǵalaımyz. Qazaqstannyń BUU Qaýipsizdik Keńesindegi konstrýktıvti róli óte mańyzdy. Sizdiń elińiz danalyqtyń daýysy jáne kópirlerdi ornatýdyń jaqtaýshysy bolyp tabylady», - dedi Bas hatshy. A. Gýterrısh Astananyń Sırııadaǵy daǵdarysty retteýdegi rólin erekshe atap ótti. Bunyń saldarynan eń nashar ssenarııdi damytýǵa jol berilmedi. BUU Bas hatshysynyń aıtýynsha, Qazaqstan dıplomatııasynyń róli elder men dinder arasyndaǵy ózara túsinistikti nyǵaıtýda óte oń bolyp baǵalanady.
Bas Assambleıanyń 73-shi sessııasynyń aıasynda Q. Ábdirahmanov Grekııanyń Syrtqy ister mınıstri Nıkos Kotzıaspen kezdesý ótkizip, onyń barysynda «ekonomıkalyq dıplomatııa» jáne Ortalyq Azııa men Balqan aımaǵy elderiniń yntymaqtastyǵy talqylandy. Taraptar jaqyn arada ekijaqty saıası konsýltasııalardy ótkizý týraly ýaǵdalasty. Ortalyq Azııa men Balqan elderiniń arasynda turaqty dıalog ornatý ıdeıasy aıtyldy.
Domınıkan Respýblıkasy Syrtqy ister mınıstri Mıgel Vargaspen kezdesýde ekijaqty shart-quqyqtyq bazany odan ári keńeıtý máseleleri talqylandy. Armenııa Syrtqy saıası vedomstvosynyń basshysy Zograb Mnasakanıanmen kezdesýde saıası, saýda-ınvestısııalyq, mádenı-gýmanıtarlyq yntymaqtastyqty, sondaı-aq aımaqtyq uıymdar sheńberindegi ózara is-qımyldardy nyǵaıtý máseleleri negizgi nazarda boldy.
Angola Syrtqy ister mınıstri Manýel Aýgýshtýmen suhbat barysynda BUU sheńberindegi yntymaqtastyq, Beıbitshilik pen Qaýipsizdik Keńesin basqaratyn Angola Qazaqstannyń Afrıka Odaǵymen karym-qatynasy, sondaı-aq ınvestısııalyq jáne saýda-ekonomıkalyq baılanystardyń perspektıvalary talqylandy. Sonymen qatar, Qazaqstan SIM basshysy BUU Bas Assambleıasynyń alańdarynda Germanııa, Saýd Arabııasy, Somalı, Erıtreıa jáne basqa da elderdiń syrtqy ister mınıstrlerimen ekijaqty yntymaqtastyqtyń ózekti máseleleri boıynsha pikir almasty.
