180 shaqyrymǵa sozylǵan kezeń Almaty qalasynyń basty kóshelerinde órbidi. Jarys joly 7 aınalymǵa sozyldy. «Astana» komandasynyń ıtalııalyq shabandozy sońǵy aınalymda shabýylǵa shyǵyp, ózgelerden qara úzip ketti.
- Men «Výelta» jarysynan keıin sporttyq babyma endi kelip jatyr edim. Jarys alǵashqyda sál aýyrlaý bolǵanymen, keıinnen alǵa ozyp shyǵýǵa múmkindik týdy. Úlken top qurylyp, olar shabýylǵa shyqqanda biz áriptesimiz Lýıs Leon Sanches ekeýmiz de solardyń qataryna enip kettik. Al sońǵy 25 shaqyrym jer qalǵanda men táýekelge salyp, jeke shaptym. Men jalǵyz ózim márege kelýdi josparladym da, sol maqsatyma jettim. Búgingi jeńisime de, Qazaqstanǵa kelgenime de qýanyshtymyn. Almatyǵy birinshi márte kelýim jáne bul qala maǵan qatty unady, - dedi Davıde Vıllelıa.
Taýly aımaqtaǵy máremen bitetin ekinshi kezeń aldynda Vıllelıa 26 sekýnd basymdylyqpen qosa sary jeıdeni de kıdi.
