Almaty qalasy ákimdigi, «Birinshi bolýǵa batyldyq» Korporatıvtik qory, «World Class Almaty» fıtnes-klýby jáne Akademık Shahmardan Esenov atyndaǵy ǵylymı-bilim berý qorynyń qoldaýymen ótken marafonnyń qatysýshylar saıabaqta eki aınalym júgirip, jalpy alǵanda 8 km qashyqtyqty eńserdi. Nargıza Iglıkova, Inna Ryjıh men Darıa Bychkova absolıýtti chempıondar atandy. О́z jas sanattarynda alǵash bolyp kelgender:
15-29 jastaǵy qatysýshylar arasynan - Aıjan Janbatyr;
30-39 jas - Aıda Esterekova;
40-49 jas - Olga Mashınskaıa;
50 jastan úlken sanatynda – Lıýbov Asanova.
Márede qatysýshylardy tanymal Áıelderdiń júgirý jarysynyń elshisi, qazaqstandyq aktrısa Arýjan Jazylbekova qarsy aldy. «Búgin men júgirýge qatysqan joqpyn, degenmen, qýanysh sezimimen chempıondardy qarsy alyp, marapattadym. Men 2015 jyldan bastap júgiremin. Tanymal adam retinde, men úshin syrtqy kelbetim mańyzdy. Sport maǵan tek jaqsy kórinýge kómektesip qoımaı, sonymen birge senimdilik berip, túsirilimnen keıin sharshaǵandyqty basýǵa múmkindik beredi. Ár áıelge kúndelikti jańa erlikterge barý úshin kúsh jınap, qýattandyratyn sátter qajet. Keshki júgiris kezinde kúndelikti sharýalardy umytyp, týma-týysqandarmen birge kóńildi kesh ótkizýge bir serpin beredi. Eń bastysy, syltaý tappaı, ózińizge ýaqyt tabyńyz!»
Arýjan sonymen birge erekshe kostıým kıgen qatysýshylardy da marapattap, olarǵa júgirý jarysynyń seriktesteri atynan syılyqtar syılady. Áıelderdiń júgirý jarysynyń taqyryby kıno keıipkerlerine arnalǵan.
«Úshinshi márte biz sórege tek qyzdardy attandyrdyq. Bul – biz úshin aıtýly oqıǵa. Maqsatymyz – qazaqstandyq áıelderge sporttan lázzat alýǵa bolatynyn kórsetý. Búgin qatysýshylardyń arasynda jasy 65-tan asqan júgirýshi boldy. Qatysýshylar sórege qurbylarymen, analarymen jáne qyzdarymen shyqty. Búgin kóbi alǵash ret júgirdi. Demek, Áıelderdiń júgirý jarysy kedergiler men bloktardy alyp tastap, júgirý jáne sportpen aınalysa bastaýǵa múmkindik beredi»,- deıdi «Birinshi bolýǵa batyldyq» Korporatıvtik qorynyń dırektory, uıymdastyrýshy Saltanat Qazybaeva.
