Alan Ájibaev: Jańa maýsymdaǵy jańa trendter

– Alan Ǵazızuly, jańa maýsymda­ryńyz qutty bolsyn. Kúzgi maýsymǵa bólek toq­­talamyz, birinshi suraǵym «Ba­lalar Evrovıdenıesine» qatys­ty. Osy jyly Qazaqstan tuńǵysh ret atalǵan baıqaýda baǵyn sanap kóredi. Kelis­sózder qalaı júrdi? Elimiz úshin mundaı baıqaý­lardyń qan­shalyqty mańyzy bar? 

– «Habar» Agenttigi 2016 jyldyń 1 qańtarynan bastap «Junior Eurovision Song Contest» ha­lyq­aralyq án baıqaýyn uıym­dastyratyn Eýropalyq habar taratý odaǵynyń (EBU) qaýymdasqan múshesi. Bul biz­ge atalǵan baı­qaýǵa óz mem­le­ketimizdiń atynan úmitkerimizdi usynýǵa múmkindik berdi. Sol ýaqyt­tan bastap kelissózder júrgizilip kel­di. Osy jyldyń maýsym aıynda uıymdas­ty­rýshylar ruqsatyn bergen soń, Qazaq­stannyń atynan óner kórsetetin balany izdeýge kiristik. Bir aı boıy (1-31 tamyz aralyǵynda) khabar.kz saıty («Habar» telearnasynyń resmı saıty) arqyly qatysýshylardyń ótinimderi qabyldanǵan bolatyn. Shamamen 200-ge jýyq óti­nimnen talapqa saı keletin 134-i 11 adam­nan quralǵan ádil­­qazylar alqasyna usy­nyl­dy. Ádilqazylar quramynda Qazaqstannyń halyq ártisi Roza Rymbaeva, Meırambek Bes­paev, Tamara Asar, Baǵym Muhıt­denova, Erke Esmahan, Qaırat Nur­tas, Renat Gaısın, Láılá Sul­tanqyzy, Mádına Sa­dýaqasova, Dımash Qudaıbergenov syndy mýzyka salasynyń maıtalmandary boldy. Qazylar «júzden júırik, myńnan tulpar» degendeı, eli­mizdiń namysyn halyqaralyq sahnada qorǵaı alatyn talantty degen on balany iriktep alǵan edi. Olar 22 qyrkúıek kúni «Habar» telearnasynyń tikeleı efırin­de ózderiniń ánderimen óner kór­setti. 

Ulttyq irikteýdegi ár balanyń boıynda Mınsk qalasynda óner kórsetýge laıyqty talant boldy. Alaıda qazylar alqasy men kórermenderdiń sheshimi bo­ıyn­sha 12 jasar Danelııa Tý­­leshova jeńimpaz atandy. Kó­rermender telefonmen habarlasý nemese SMS joldaý ar­­qyly daýys bergen bolatyn. Qazy­lar alqasy Meıirjan Jı­debaıǵa birinshi oryndy, al ekinshi oryndy Danelııaǵa bergen edi. Kórermender bolsa, Da­nelııa­ǵa kóbirek daýys berip, ol qarsylastaryn basyp ozdy. 

Saıysta Danelııa «О́zińe sen» (Seize the Time) dep atalatyn jańa týyndysyn oryndady. Ánin Ivan Lopýhov, sózin Kamıla Daırova men Artem Kýzmenkov jazǵan. Bul týyndy alpys prosent qazaq tilinde, qalǵan qyryq prosenti aǵylshyn tilinde oryndalady. Aldaǵy 25 qarashada Mınsk qalasynda ótetin saıysta da Danelııa dál osy shyǵarmany oryndaıdy. Qazirgi ýaqytta daıyn­dyqty bas­tap kettik. Bul jaýapkershiligi mol baıqaý bol­­ǵandyqtan, Danelııanyń sahnalyq obrazy, ózin ustaýy, ártistik qabileti, júris-turysy da mańyzdy. Sonymen qatar psıhologııalyq daıyndyǵyn da eskerý kerek. Biz bul dúbirli do­daǵa alǵash ret qatysamyz, son­dyqtan atalǵan baıqaý memleketimiz úshin de, jas ánshi úshin de úlken tájirıbe. Ol jeńse de, jeńbese de, osy saıysqa qatysyp, óner kór­setkeniniń ózi jetistik dep bilemiz. 

Elimiz úshin mańyzyna toq­talar bolsaq, mundaı halyq­aralyq jobalar memleketimizdi tanytýdyń birden-bir quraly. Muny Dımash Qudaıbergenov pen Danelııanyń ózi qatysqan jobalar dáleldedi. Bul – mýzykalyq salamyzdyń damýy, myńjyldyq rýha­nı, mádenı ómirimiz ben án dástú­rimizdi tanytý, sony­men birge memleke­timizdiń halyq­aralyq arenadaǵy be­de­lin, ımıd­jin odan ári nyǵaıta túsý, jas­tardyń shet memlekettegi áriptes­terimen tájirıbe almasýy. Sondyqtan óte mańyzdy. 

– Jańa maýsymnan bastap qory­tyndy jańa­lyqtardyń ýaqyty ózgerip, burynǵy júr­gi­zýshiler qaı­typ keldi. Bul nemen baılanysty? 

– Durys aıtasyz, jańa maýsymnan bastap kórermender keshki saǵat 20.00-den bastap 21.30-ǵa deıin aqparattyq-sa­rap­­tamalyq jobalardy tamashalaýda. Biz, aýdıtorııaǵa qolaıly bolý úshin, qorytyndy jańalyqtardyń ýaqy­tyn 19:00-den 20:00-ge aýystyrdyq. Sony­men qatar «Habar» telearnasynda uzaq jyldar jumys istegen maıtalman tele­júrgizýshiler de qaıta oraldy. Zeıin Álipbek, Marat Muhamedsalıev jańa­lyqtar efıriniń ajaryn asha túskendeı. Olardyń oralǵanyn estigen halyq áleýmettik jeliler arqyly bizge kún saıyn jaqsy pikirlerin bildirip jatyr. Son­dyqtan oń sheshim bolǵanyna kózi­miz anyq jetti. 

Jyl basynan bastap «Ha­bar» telearnasynda kúndizgi ja­ńa­­lyqtar efırge shyǵyp jatyr. Biz eń ózekti, elimizdiń saıa­sı, eko­nomıkalyq ómirindegi ma­ńyz­dy oqıǵalardy birinshi bolyp jan-jaqty jetki­zýdemiz. Búgingi tańda 16 aımaqta elýden asa tilshimiz kúnniń basty aq­parat­taryn saralap, egjeı-tegjeıli zert­teýde. Elbasynyń tapsyrysymen qurylǵan Túrkistan oblysynan tikeleı qosylymdar, qyzyq­ty materıaldar men ta­nym­dyq sıýjetter ázirlenýde. 

10 qyrkúıekten bastap qo­ry­­­tyndy jańalyq­tardan keıin 20:30-da «Online» tok-shoýy kórermenge jol tartty. Júr­gizýshisi – Erlan Igisinov. Apta­syna 3 ret shyǵatyn tikeleı efırdegi baǵdar­lamaǵa qoǵamdaǵy ózekti máseleler ar­qaý bolýda. Máselen, birinshi efırde Qazaq­standaǵy bilim berý júıesi talqyǵa saly­nyp, stýdııaǵa Bilim jáne ǵylym mınıs­tri Erlan Saǵadıev keldi. Sondaı-aq «7 – 20 – 25» baǵdarlamasy da stýdııada sóz bolyp, kókeıdegi saýaldarǵa jaýap alyndy. Kórermender su­raq­taryn áleýmettik jeliler, WhatsApp jáne tike­leı stýdııaǵa habarlasý arqyly qoıa alady. 

– Teledıdardan «Topjarǵan» dep atalatyn ja­ńa vokaldyq shoý­dyń anon­syn kórdik. Bul jo­ba­­nyń erekshe­ligi qandaı? Nelik­ten tańdaý osy jobaǵa tústi? Iаǵnı bizde vokaldyq shoý­­lar ­kóp qoı...

– «The Final Four» jobasy ızraıldik Armoza Formats kompanııasyna tıesili. Qazirgi tańda álemniń júzdegen mem­leketinde jaryq kórýde. О́tken jyly AQSh-ta «The Four: Battle for Stardom», son­daı-aq Reseıde «Ýspeh» degen ataýmen shyqty. 

Qazirgi tańda ınternettiń kómegimen tanymal bolyp jatqan qanshama talanttarymyz bar. Olarǵa prodıýser de, qoldaýshy da qajet emes, bastysy darynyń bolsa bolǵany. Bizdiń alań da dál osy jandarǵa arnalǵan. Shoýdyń erejesi boıynsha tórt qatysýshy anyq­talyp, olar erekshe daýysyn, ártistik qabiletin, darynyn dáleldeýi kerek. Baǵdarlamanyń basty ereksheligi de osy, baı­qaýdyń fınalısteri birinshi kún­­nen belgili bolady. Alaıda ap­ta saıyn jańa qatysýshylar kelip, fınalısterdi jekpe-jekke shaqyryp, ornynan ysyryp tastaýy múmkin. Iаǵnı alǵashqy tórttiktiń fınalǵa jetý-jetpeýi ózderiniń qarym-qabiletine baılanysty. 

Jobanyń qazylar alqasynyń qura­mynda Qazaq­stannyń halyq ártisi Roza Rymbaeva, kompozıtor ári prodıýser Renat Gaısın já­ne jas repper Baller bar. Son­dyq­tan kez kelgen jastaǵy kórer­menge qyzyq bola­dy dep oılaımyn. Onyń ústine baǵdarlamany ha­lyqtyń súıik­ti ánshisi Mádına Sadýaqasova júrgi­ze­di. Bul da habardyń ajaryn asha túsedi degen senim­demin. 

– Jańa maýsymda taǵy qan­daı jobalar kúti­lý­de? 

– «Habar» qashanda kórer­menderine eń úzdigin usynyp keledi. Jyl saıyn jańa joba­lardyń sany artyp, sapasy jaqsara túsýde. Osy maýsymda «Davaıte govorıt» tok-sho­ýyn qalyń kórermenniń súıik­ti júrgizýshisi Aıgúl Múkeı tiz­gindedi. Aıgúl hanym – «jýrna­lıstıkanyń jiligin shaǵyp, ma­ıyn ishken» adam, tájirbıeli jýrnalıst. Sondyqtan qoǵamdaǵy ózekti máselelerdi ortaǵa salatyn baǵdar­lamaǵa birden jarasa ketkendeı kórindi. Sony­men qatar úshinshi jyl «Bizdiń nazarda» jáne «Bilý mańyzdy» dep atalatyn jobalarymyz jal­ǵasyn tabýda. Atalǵan habarlar birinshi kezekte kórermenniń sura­nysyna jaýap beredi. Jýr­nalıster ár máselege jiti toq­talyp, jan-jaqty zert­teıdi. Qor­dalanǵan problema­lardyń sheshimin tabýda. 

Sondaı-aq kórermenniń sura­nysy boıynsha «Mıl­lıon kimge buıyrady?» ıntel­lektýaldyq oıyny qazaq tilinde shyǵyp jatyr. Júrgizýshisi – Dosymbek О́teǵalıev. О́zderińiz biletindeı, byltyr­ǵy jyldan bastap jobanyń utysy eki eselenip, júlde qory 10 mıllıon teńgege jetti. Baǵdarlamaǵa 18 jasqa tolǵan kez kelgen azamat qatysa alady. О́tken jy­ly bir adam 10 mıllıon teńge utyp aldy. Bul az aqsha emes, kórermenimizdiń qajetine jarady degen senimdemin. Taǵy osy jyly ıntellektýaldyq setka­myzǵa «Zerde» dep alatatyn orys tilindegi joba qosyl­dy. Brıtanııanyń eń áıgili habar­larynyń biri. Efırge shyqqanyna 46 jyl bolǵan. Osy ýaqyt aralyǵynda baǵdarlama Jańa Zelandııa, Aýstralııa, Túrkııa, Úndistan, Reseı jáne ózge de memleketterde jaryq kó­rip, kórer­men tarapynan jaq­sy qabyldandy. Aǵylshyn tilindegi ataý «Mas­termind». Bul baǵdarlamanyń bas­­­ty ereksheligi sol qatysýshy azamat­tardyń barly­ǵy bilim­di, naǵyz ıntelektýaldar. Olar oıyn barysynda ózderi tańda­ǵan taqyryp boıynsha kúrdeli saýaldarǵa jaýap beredi. Munyń ózge oıyndardan ereksheligi – utys (qarjy) joq, qatysýshylar ózderiniń bilimin tekserýge keledi. Jobany akter ári rejısser Bópesh Jandaev júrgizedi. Aıta keteıin, alǵashqy efıri 30 qyrkúıekte ótti. Qatysamyn deýshiler bolsa khabar.kz saıtyna kirip tirkelse bolady. 

Munymen bizdiń usynysta­rymyz bitpeıdi. «Qyzyq Times», «Tańǵy Habar», «Ana men bala» jo­balary ja­­ńa maýsymda jańa leppen shyǵyp jatyr. Sondaı-aq senbi-jeksenbi kún­deri elimizge belgili óner ıeleriniń konsert­tik baǵdarlamalary, qoǵam qaırat­kerleriniń ómir joly týraly derek­ti fılmder, mańyzdy sport­tyq sharalar, álemdik pro­kat­­taǵy eń úzdik fılm­der, saıa­sı oqıǵalardan tikeleı qosy­lym­dardy da tamashalaıdy. 

– Sońǵy jyldary otandyq telearnalarymyz ­ózimizdiń serıal­dardy kóptep usynyp kele­di. Kórermender qalaı qabyl­daýda, suranys bar ­ma? 

– Árıne, suranys bolmasa túsirilmes edi dep oılaımyn.­ Qazirgi ýaqytta qazaq tildi aýdı­­torııada otandyq serıal­dar­ǵa suranys artty. Máselen, «Habar» tele­arnasynan kórse­tilgen «Án aǵa», «Mezgilsiz mahabbat», «Ana júregi» syndy telehıkaıalarymyzdyń kór­­­­set­­­­­kishteri óte jaqsy boldy.­ Sonymen qatar «О́z úıim» dep­ atalatyn otandyq estrada jul­­dyzdarymen túsirgen týyn­dymyz­­­dyń You Tube áleýmet­tik jelisinde mıllıonǵa jýyq qaralymy bar, pikirler de jaqsy, kórermender jalǵasyn kútýde. Sondyqtan osy jyly ekinshi maýsymyn josparlap jatyrmyz. 

Jalpy, «Habar» Agenttigi jyl saıyn 191 bólimnen turatyn san alýan janrdaǵy teleserıaldardy usynyp keledi. Olardyń arasynda ulttyq dástúrimizdi ulyq­taıtyn, tamyry tereń tarıhymyzdan syr shertetin dramalar, uly tulǵalarymyzdyń ǵumyryn sýretteıtin kórkem fılmder, detektıv janryndaǵy shytyrman oqıǵalarǵa toly týyndylar, jastarymyz úshin romantıkalyq telehıkaıalar bar. Jańa maýsymdy «Taǵy da súı» dep atalatyn komedııalyq kartınamen bastadyq. Aldaǵy ýaqytta rejısser Serikbol О́tepbergenniń «Detek­tıv áje» dep atalatyn komedııasy kórermen nazaryna usynylady. Bul nemeresimen birge san alýan qylmysty zertteýge kirisken ájeniń qyzyqqa toly hıkaıalarynan syr shertedi. Basty róldi «Toǵysqan taǵdyrlar» serıalynan jaqsy tanys, Qazaqstannyń eńbek sińirgen ártisi Ǵazıza Ábdi­nábıeva somdaıdy. Sondaı-aq Nııaz Shaısultanov, Murat Nurasylov, Nurjan Dáýletov syndy akterlerdi kóresizder. 

Qazan aıynda «Aǵa» jáne «Qarlyǵash uıa salǵanda» kartınalaryn efırge shyǵaramyz. Bul eki telehıkaıada otbasylyq qundylyqtar, týystar arasyn­daǵy qatynas, meıirimdilik pen jigerlilik sýretteledi. «Qar­lyǵash uıa salǵanda» týyndysynda tanymal ánshi ári aktrısa Kamshat Joldybaeva jáne akter Erkebulan Daıyrov basty rólderdi somdaıdy. Sonymen qatar «Jalǵyz jaýqazyn», «Bóri», «Bizdiń qalamger», «Shashý» syndy teleserıaldar da kórermen nazaryna usynylady. 

Taǵy da aıta ketkim keletin jaıt, «Habar» arnasy álemdik deńgeıdegi qyzyqty derekti fılm­­­derdi satyp aldy. Kórer­men­derimizge ár jeksenbi kúni qazaq tilinde «Tańǵajaıyp álem», «Sheber aspaz», «Jaratylys. Adam­­zat tarıhyna saıahat», «Mars»­ dep atalatyn «National Geographic» túsirgen týyndylardy usy­nyp jatyrmyz. 

Sondaı-aq «Habar» Agenttigi byl­­tyr­dan beri «Batyrlar joly» dep atalatyn tarıhı kór­kem fılm túsirip jatyr. Qoıýshy rejısseri Asqar Uza­baev. Atal­­­­­­mysh kartınada Qarasaı batyr­dyń ómiri, Qazaq dala­synyń basynan ótken qıyn-qystaý kezeńi sýretteledi. Oqıǵada ulan-ǵaıyr ólkemizdi naızanyń ushymen, bilektiń kúshimen qorǵaǵan ba­tyr­larymyzdyń erligi, el ba­syna kún týǵan zamanda kór­set­­ken qaısarlyǵy, halyqtyń rýhy, mem­leket tutastyǵynyń mańy­zy, ózara tar­tystyń so­ńy jaqsylyqqa alyp bar­maı­­­­tyndyǵy sóz bolady. Bul kartına ar­­qyly tarıhymyzǵa tereńirek úńilip, ata-babamyzdyń uly dalamyzdyń ár pushpaǵy úshin kúresin kórip, ótkenge oralamyz. 

Bul jobaǵa túsirilim toby jan-jaqty ári tyńǵy­lyqty daıyndaldy. Tarıhshylarmen keńesip, sol zamandy shynaıy kórsetý úshin ár dekorasııa men lokasııa uzaq tańdaldy. Tóbeles sahnalaryn somdaýǵa Jaıdarbek Kúnǵojınov bastaǵan qazaq­­standyq kaskaderler qatysty. Sondyqtan ol óskeleń urpaqqa bereri mol dúnıe bolady degen úmittemiz.

Akterler quramy da jaqsy jasaqtalǵan. Bas­ty rólderdi Nazar Sultanov, Áshim Ahmetov, Jan­dos Aıbasov, Erjan Nurym­bet, Aldabek Shalbaev, Aıdos Bektemir, Móldir Mekenbaı syndy akterler oınaıdy. Sony­men qatar 71-shi Kann kıno­festı­valinde «Eń úzdik áıel róli» nomınasııasyn jeńip alǵan Samal Eslıamovany Qarasaı batyrdyń anasy obrazynda kóresizder. 

– Kórkem fılm dep qal­dyńyz, ıaǵnı bul týyn­dyny kıno­teatrlardan kóremiz be? 

–Jyl basynan bastap «Habar» Agenttigi keıbir týyn­dylardy úlken ekrandarda kór­setýde. Sondyqt­an kútińizder. 

Aıtpaqshy, biz Bekzat Sat­tarhanovtyń ómiri men sporttaǵy jetistigi týraly telehıkaıa túsi­rip jatyrmyz, aldaǵy ýaqyt­ta usy­namyz. 

– Al Agenttiktiń basqa arnalarynda qandaı ózgerister oryn alyp jatyr? 

– «Habar» arnasynan bólek, bizdiń Agenttikte úsh telearna bar. «Habar 24» telearnasy jańa maýsymnan bastap jańalyqtar 20 mınýt nemese 30 mınýt shyǵý kerek degen formatynan, túsinikten bas tartyp, jańalyqtar marafonyn jasap jatyr, ıaǵnı toqtaýsyz bir saǵat jańalyqtar taratamyz. Aqparatty shynaıy ári oqıǵa ornynan der kezinde berý úshin live-quraldar kóbeıdi. Mysaly stream taralym úshin terezeler, sarapshylarmen tikeleı efırde suhbattar, birneshe spıkermen bir ýaqytta suhbat jasaýǵa arnaıy múmkindikter jasaldy. Júrgizýshiler tek dıktor ǵana emes, óz efıriniń moderatoryna aınaldy. «Habar 24» tańy 4 saǵatqa jalǵasatyn jańalyqtar marafonymen bastalyp, keshki sarapshylar pikiri beriletin marafonmen jalǵasyn tabady. Sonymen qatar jańa maý­symda birneshe qyzyqty da mańyzdy baǵdarlamalar efırge shyǵyp jatyr: «Tutynýshy tańdaýy», «Baıybyna bar­saq», «Erekshe kózqaras», «Kıno­bıznes», «Overtime» jáne basqa­lary bar. «Tutynýshy tań­daýy» baǵdarlamasynyń shyǵar­ma­shy­lyq ujymy apta saıyn qazaqstandyq taýarlardyń sapasymen tanysady, qundylyǵy men mańyzyna toqtalady. Al «Baıybyna barsaq» jobasy­nyń jýrnalısteri eń ózekti taqyryptardy zerttep, túıi­nin sheshýge tyrysady. Fýtbol­súıer qaýym «Overtime» baǵdar­lamasynan eń qyzyqty oıyndar, suhbat­tar men sıýjetter tamashalaıdy. 

«El Arna» telearnasy­ jańa maýsymnan bastap kórermen­derine yńǵaıly bolýy úshin, efır­lik setkasyn aýystyrdy. Endi kúndizgi on ekiden keshki al­tyǵa deıin otandyq tele­hı­kaıa­lar, al keshki altydan tún­gi on ekige deıin úsh kórkem fılm usynady. Sonymen qa­tar alǵash ret arna efırinde Túr­ki álemi jáne Ortalyq Azııa memleketteriniń «altyn qoryn­da» saqtalǵan fılm­der qazaq tilinde kórsetiledi. 1 qazannan bastap apta saıyn belgili bir memlekettiń týyndylaryn ta­ma­shalaısyzdar. Mysaly birin­shi apta tájik kınosynyń apta­lyǵy bolady. Kórermender Tájik­­stannyń klassıkalyq kartınalaryn keshki ýaqytta kóre alady. 

Al jańa maýsym­nyń tyń jo­ba­la­ry­nyń biri – «Ashyq kór­se­tilim» baǵdarlama­sy. Mun­da kınematografııa korı­feıleri, tanymal akterler, jas rejısserler men akterler, jazýshylar men sse­narıster bir alańda kezdesip, kınolentalardyń ja­salý tarıhy, keıipkerler men avtorlardyń taǵ­dyry, kadrdan tys qalǵan dúnıelerdi, jalpy, belgili fılmderdiń beımálim tustaryn pash etedi. Kórer­men­dermen tildesip, qyzyqty má­limet­­ter usynady. 

– «Habar» Agenttiginiń ónim­­­derin shetelge taratý jáne she­tel­dik áriptes­termen qoıan- qoltyq ju­mys isteý boıyn­sha kelissózder júrgizilip jat­qa­nyn bilemiz. Bul kelisimder qaı deńgeıde?

«Euronews» jáne «CCTV» ynty­maǵymyz nyǵaıa tústi, Polshanyń «TVP» ortalyq televızııasymen jáne Belarýs eliniń Respýblıkalyq teleradıo­kompaııasymen kelisimge keldik. «Euronews»-tik áriptesterimiz taıaýda ǵana kelip sheberlik synyptaryn ótkizip ketti. Biz­diń jýrnalısterimiz ben qyz­metkerlerimiz Túrkııanyń «TRT» arnasyna baryp tájirıbe almasyp keldi. Sonymen qatar bizdiń arnalarymyz túsirgen teleónimder jer sharynyń túkpir-túkpirindegi kórermen úshin qol­jetimdi bola tústi. О́tken jyldyń maýsym aıyn­da televızııa salasynda kontent almasý bo­­ıyn­sha Qazaqstan men Qytaı elderi arasynda kelisim jasaldy. Atalǵan kelisimge sáıkes qazaq­standyq jáne qytaılyq taraptar seriktester óndirgen telejobalardy óz efır­lerinen kórsetýge kelisti. Sondaı-aq Sıngapýrdyń «Silver Wolf International» halyq­aralyq kom­panııa­symen «Habar» Agent­tiginiń teleónimderin dıs­trıbýsııa­laý boıynsha kelisim jasaldy. Oǵan sáıkes Agenttik jobalaryn Azııa­nyń 9 memleketi tamashalaıdy. 

Uly Dalamyzdyń baı tabı­ǵaty men mádenıeti, tarıhy men qonaq­jaılylyǵy týraly derekti fılmder, Baýyrjan Momyshuly jáne Kúlásh Baıseıitova syndy belgili tulǵalarymyz jónin­degi bıografııalyq fılm­der men serıaldardy Reseı, Moń­ǵolııa, Malaızııa jáne Qytaı mem­leketteriniń azamattary tamashalap úlgerdi. 

Osy syndy jumystar ári qaraı jalǵasyn taba beredi. Qazirgi tańda kelissózder júrgi­zip jatyrmyz. Jalpy, jańa maý­symda usynarymyz mol. 

– Áńgimeńizge rahmet.

Áńgimelesken Gúlnur DOSBOL

Sýretterde:  Alan Áji­baev; «Qarlyǵash uıa sal­ǵanda» serıaly; «Detek­tıv áje»­ komedııasy