Mádenıet jáne sport mınıstrliginiń uıymdastyrýymen shara 30 qyrkúıek pen 2 qazan aralyǵynda ótedi.
«Rýhanı jańǵyrý» baǵdarlamasy aıasynda uıymdastyrylyp otyrǵan is-sharaǵa «IýNESKO» shtab-páterinen, «Túriksoı» uıymynan, Reseı Federasııasynan arnaıy ókilder, jaqyn jáne alys shet elderdiń jetekshi dástúrli oryndaýshylary, Qyrǵyzstan, Reseı, О́zbekstan Respýblıkalarynyń óner ujymdary jáne elimizdiń «akademııalyq» dárejesi bar orkestrleri qatysady», delingen habarlamada.
3 kúnge sozylatyn is-shara aıasynda «Dástúrli óner - jahandaný áleminde» taqyrybynda forým, respýblıkamyzdyń, jaqyn shet elderdiń kúıshilik mektebi maıtalmandarynyń konserti, respýblıkamyzdyń, jaqyn shet elderdiń ult aspaptar orkestrleriniń konserti, orkestrler sherýi, Memlekettik syılyqtyń laýreaty, sýretshi Shahan Mahanbetov pen tanymal foto tilshi Rafhat Halelovtiń «Kúı jáne kúıshi» atty foto kórmesi jáne tanymal dástúrli oryndaýshylardyń shyǵarmashylyq konserti ótedi.
