Baıqaýdyń uıymdastyrýshy QR Tuńǵysh Prezıdenti – Elbasynyń qory bolyp tabylady. Baıqaýdy ótkizýdiń seriktesteri: Qazaqstan Jazýshylar odaǵy jáne Memlekettik tildi damytý qory. Onyń maqsaty - qazirgi zamanǵy qazaqstandyq kórkem ádebıetin damytý, oǵan qoldaý kórsetý jáne tanymal etý.
Baıqaýǵa 18-35 jas aralyǵyndaǵy qazaq jáne/nemese orys tilderindegi jas jazýshylardyń shyǵarmalary qabyldanady.
Júlde baıqaý negizinde tómendegi nomınasııalar boıynsha taǵaıyndalady:
- «Jyldyń úzdik prozasy»;
- «Jyldyń úzdik poezııasy»;
- «Jyldyń úzdik dramatýrgııasy»;
- «Jyldyń balalarǵa arnalǵan úzdik shyǵarmasy»;
- «Astananyń 20 jyldyǵy» taqyrybyna arnalǵan úzdik ádebı týyndy.
Árbir nomınasııa jeńimpazyna «Altyn tobylǵy» ádebıet júldesiniń laýreaty ataǵy jáne 1 mıllıon teńge kóleminde syıaqy beriledi. 1,5 mıllıon teńge kólemindegi arnaıy syıaqy «Astananyń 20 jyldyǵy» taqyrybyna arnalǵan úzdik ádebı týyndy nomınasııasy jeńimpazyna beriledi.
Shyǵarmalar 2018 jylǵy 1 qarashaǵa deıin qabyldanady. О́tinimder poshtamen Astana qalasy, A.Bókeıhan kóshesi, 1 úı, Qazaqstan Respýblıkasy Tuńǵysh Prezıdenti — Elbasynyń Qory mekenjaıyna jáne at2018@fpp.kz elektrondyq poshta boıynsha jiberilýi tıis.
Konkýrs erejeleri www.fpp.kz saıtyndaǵy «Baıqaýlar» bóliminde jarııalandy. Baılanys telefony: 8 7172 708 318.
