Qazir munda 30-ǵa jýyq balǵyn jattyǵady. Solardyń biri – Oksana Kropachevanyń 3 jastaǵy uly. Roma, bastapqyda “mama”, “papa” degen sózderdi esh qıyndyqsyz aıtsa kerek. Alaıda, bir jyldan soń onyń sóıleý qabileti tómendep, óz-ózinen oqshaýlanatyndy shyǵarǵan.
«Aqyly sporttyq úıirmelerge barý qymbatqa túsetindikten, tólem jaǵdaıymyz kótere bermeıtin. Endi balamyz óz quralyptastarymen alańsyz oınap, túrli jattyǵýlarǵa qatysyp júr», deıdi Romanyń áke-sheshesi.
“Moı rebenok” qoǵamdyq birlestigine múshe ata-analar arnaıy joba jasap, konkýrsqa qatysypty. Baıqaý júldelerin qarjylaı kómek retinde usynǵan.
Vıldana Qojahmetovanyń aıtýynsha, 500 myń teńge qarjyǵa sporttyq qurylǵylar satyp alynǵan. Psıhıkalyq aýytqýshylyǵy bar ár balamen arnaıy kýrstan ótken jattyqtyrýshylar jumys isteıdi. Býyndaryn qataıtady, aıaqqa massaj, basqa da gımnastıkalyq jatttyǵýlar jasaıdy.
“Moı rebenok” birlestiginiń músheleri “Sıtı moll” saýda úıinde qaıyrymdylyq fotokórmesin ótkizýdi jobalap otyr. Odan túsken qarajat múgedek balalardyń qajetine jumsalatyn bolady.
О́mir ESQALI,
«Egemen Qazaqstan»
Soltústik Qazaqstan oblysy
