Respýblıkalyq mańyzy bar qala mártebesin ıelengen Shymkent qalasynan alǵash ret Senatqa depýtattyqqa usynylǵan úmitkerler qatarynda «Bank SentrKredıt» AQ Shymkent qalasy fılıalynyń qyzmetin qoldaý basqarmasynyń bastyǵy Serik Aldanov, Shymkent qalalyq máslıhatynyń hatshysy Nurlan Beknazarov , «Global A» JShS dırektory Bıjan Jylkeldıev, «Mankent shıpajaıy» AQ bas dırektorynyń orynbasary Ǵanı Qarabekov, ýaqytsha jumyssyz Darhan Satybaldy jáne «Shymkent-saýda» JShS dırektory Asqarbek Úrkimbaev boldy.
Al saılaý qortyndysy boıynsha Darhan Satybaldy 21 daýyspen, Nurlan Beknazarov 21 daýyspen jeńiske jetti. Shymkent qalasy saılaý komıssııasynyń tóraǵasy Mars Elekeevtiń málimdeýinshe, saılaý barysynda barlyq zań rásimderi saqtaldy. Zań talaptaryna səıkes, Ortalyq saılaý komıssııasy 7 kúnnen soń sheshimin shyǵaryp, depýtattarǵa tıisti mandatyn beredi.
Ǵalymjan ELShIBAI,
«Egemen Qazaqstan»
Shymkent
