Aǵa urpaq jastarǵa senim artady

Búginde mádenı áleýetti da­m­ytý álemniń kóptegen mem­le­ketteriniń negizgi damý ba­sym­dyqtarynyń qataryna jatatyny belgili. Astana qalasy Sýretshiler odaǵynda ótken alqaly jıynda el Prezı­den­tiniń Joldaýy aıasyndaǵy at­qa­rylatyn shyǵarmashylyq jáne óndiristik múmkindikter men mádenıettiń rólin arttyrý jóninde sóz boldy. 

Astana qalasy Sýretshiler odaǵynyń basqarma tóraǵasy Januzaq Músápir Joldaýdaǵy shyǵarmashylyq qaýymǵa qa­rata aıtylǵan mindettemeler jańa baǵyt-baǵdardy aıqyndap otyrǵanyn aıtty. «Qoǵamnyń basty baılyǵy – adam bolsa, sol adamdy tárbıeleıtin mádenıet pen óner. Memleket basshysynyń jyl saıynǵy jol­daýlary elimizdiń rýhyn asqaqtatyp, kúsh-qýatyn bi­­­rik­tiretin mańyzdy qujatqa aınaldy», degen basqarma tór­aǵasy atalǵan reformalardy júzege asyrýda árkimniń óz ró­lin aıshyqtaýdyń mańyzy týra­ly sóz qozǵady. Al Qazaqstan­nyń eńbek sińirgen qaıratkeri Erlan Aıtýarov elimizdegi má­denıet salasyn damytýdyń jal­py qaǵıdattary men jetil­di­rý júıesi týrasynda aıtyp ótti. 

Jıynǵa qatysýshylar áleý­mettik-mádenı orta qalyp­tas­tyrý boıynsha tyń oılarymen bólisip, halyqaralyq kórme­ler men sımpozıýmdarǵa qatysý, ásirese jastar úshin shyǵarma­shy­lyq sheberhana qurý jáne aǵa urpaqty biriktirý syndy usy­nystaryn ortaǵa saldy.

Aıa О́MIRTAI,

«Egemen Qazaqstan»