Onyń aıtýynsha, Almaty oblysy – halyq tyǵyz qonystanǵan, sıfrlyq servıster belsendi iske qosylǵan óńirlerdiń biri. Sondyqtan ulttyq ekonomıkanyń ósý draıverine aınalýy tıis «Alatau City» jobasy dál osy óńirde qolǵa alynyp jatyr.
«Búginde azamattardyń qaýipsizdigi máselesi qalyptasqan uǵymdar sheńberinen shyǵyp, sıfrlyq tehnologııalar deńgeıine deıin kóterilgenin kórip otyrmyz. Sıfrlyq tehnologııa qoǵamnyń barlyq salasyna aralasyp, kúndelikti adam ómiriniń ajyramas bóligine aınaldy. Al jańa Konstıtýsııa jobasynda azamattardyń sıfrlyq saladaǵy quqyǵyn qorǵaý mindeti qarastyrylǵany – búgingi kún talaby ekeni daýsyz», dedi Qýat Baıǵojaev.
Jańa Konstıtýsııada ótpeli kezeńniń barlyq rásimderi naqty jazylady
О́z sózinde spıker azamattardyń ózara hat-habar almasý qaýipsizdigi, elektrondy kommýnıkasııa, derbes derekterdiń qorǵalýy syndy máselelerdiń qamtylýy jeke ómir qupııasynyń kepildigin nyǵaıtyp jáne sıfrlyq servısterge degen senimdi kúsheıtetinin jetkizdi.
«Olardyń konstıtýsııalyq deńgeıde bekitilýi sıfrlyq qaýipsizdik salasyndaǵy zańnamany ári qaraı damytý tájirıbesine berik negiz bola alady. Usynylyp otyrǵan ózgerister azamattar úshin naqty máselelerden kórinis tabýy qarapaıym azamattardyń kúndelikti ómirde alańsyz bolyp, qoǵamnyń memlekettik ınstıtýttarǵa degen senimin kúsheıtýge áser etedi», dedi ol.
Sóz sońynda Komıssııa múshesi Konstıtýsııa jobasy jetkilikti pysyqtalǵanyn jáne ony búkilhalyqtyq referendýmǵa shyǵarýǵa bolatynyn aıtty.
«Sot sheshimimen ǵana»: Turǵyn úı quqyǵyna kepildikti konstıtýsııalyq deńgeıde kúsheıtý usynyldy
