Al eldi damytýdyń usynylǵan baǵyty Qazaqstannyń áleýmettik-ekonomıkalyq turaqty ósýine kepil bolady dep paıymdaımyz.
Elderimizdiń áleýmettik salada ishki saıası strategııalarynyń uqsastyǵyn atap ótkim keledi. Majarstanda 2018 jyl Otbasy jyly dep jarııalandy, ıaǵnı qazirgi jastardyń boıynda otbasy qundylyqtaryn qalyptastyrýǵa baǵyttalǵan jyl bolmaq. Qazaqstanda 2019 jyl Jastar jyly dep jarııalanyp otyr. Majarstan Qazaqstandaǵy jastar saıasatyna óz úlesin qosyp jatqanyn atap kórsetsem deımin. Majarstannyń jetekshi joǵary oqý oryndarynda shamamen 400 qazaqstandyq stýdent oqıdy, bolashaqta olar aǵa býynnyń ıgi bastamalaryn ilgeriletýdi óz qoldaryna alyp, Qazaqstannyń ál-aýqatyn arttyrýǵa óz úlesterin qosady dep sanaımyn.
Majarstan – Qazaqstannyń Ortalyq Eýropadaǵy strategııalyq áriptesi. Qazaqstan ekijaqty qarym-qatynastardyń barlyq baǵytynda Majarstanmen dostyq qarym-qatynasty damytýǵa erekshe kóńil bóletinin anyq ańǵaramyz. Biz tek saıası salada ǵana emes, sonymen qatar saýda-ekonomıkalyq jáne mádenı-gýmanıtarlyq salalarda da yntymaqtastyǵymyzdyń odan ári nyǵaıyp kele jatqanyn kórip otyrmyz.
Eki memleket basshysynyń kúsh-jigeriniń arqasynda Qazaqstan men Majarstan arasyndaǵy ózara senim negizinde qurylǵan strategııalyq áriptestik eki el arasyndaǵy yntymaqtastyqty damytýǵa yqpalyn tıgizetinine kámil senemiz.
Majarstan Qypshaqtar odaǵynyń Qurmetti kóshbasshysy Nursultan Nazarbaevtyń syndarly saıasaty Qazaqstan Respýblıkasyn odan ári ósip-órkendetýge, majar men qazaq dostyǵynyń nyǵaıýyna dáneker bolatyny kúmánsiz.
Shandor KOVACh,
Majarstan Memlekettik jınalysynyń depýtaty, Majarstan Qypshaqtar odaǵynyń tóraǵasy
