– Bizdiń aldymyzda Elbasy qoıǵan aýqymdy mindetter tur. Ol mindet ekonomıkalyq ósýge, aýylsharýashylyǵyndaǵy ınvestısııalyq ahýaldy jaqsartýǵa baǵyttalǵan. Ol úshin bizde qajetti múmkindikter men áleýet bar. Joldaýda Memleket basshysy «Bıznestiń jol kartasy-2020» baǵdarlamasyn júzege asyrý úshin jyl saıyn 30 mıllıard teńge bólinetinin aıtyp, óńdeý ónerkásibi men shıkizattyq emes eksportty qoldaýǵa aldaǵy 3 jylda qosymsha 500 mıllıard teńge bólinedi dedi. Qazaqstannyń qazirgi kezdegi ekonomıkalyq saıasatynyń basty baǵyty – eksportqa shyǵý. Iаǵnı, aýdanymyzda egilgen ónim óz elimizde ǵana emes, shetel naryǵyna da baǵyttalýy kerek. Bul básekege qabiletti bolýymyzǵa baǵdarsham bolady,- dedi aýdan basshysy óz sózinde.
Jıynda sóz alǵan seriktestik basshysy M.Esjanov «Aýyl - el besigi» jobasynan dıhandardyń mol úmit kútip otyrǵandyǵyn aıtty. Keńeste sóz alǵan basqa azamattar da shaǵyn jáne orta bızneske Elbasynyń aıyryqsha nazar aýdaryp otyrǵandyǵyn, ony óristetýge barsha múmkindikter jasalyp jatqandyǵyn tilge tıek etti.
Baqtııar TAIJAN,
«Egemen Qazaqstan»
Qyzylorda oblysy
