«Arystan aıbat» degen atpen jaryq kórgen jınaqtaǵy týyndylardy qyrǵyz tiline Qyrǵyzstan jazýshylar odaǵynyń tóraǵasy, Qyrǵyzstannyń kórnekti memleket jáne qoǵam qaıratkeri, halyq aqyny Akbar Rysqulov aýdarǵan. Aqynnyń bárimizge tanys "Men kim?" shyǵarmasynyń qyrǵyz tilindegi nusqasy bylaı bastalady:
«Arystanmyn, aıbatyma kım chydar?
Jolborsmýn, maga karshy kım týrar?
Kóktó - býlýt, jerde - jelmın kúúlógón,
Jer erkesı - jeldın jónún kım sýrar?»
Kitapqa Maǵjannyń 80-ge jýyq óleńi men «Batyr Baıan» jáne «Qorqyt baba» dastandary engizilgen.
Esterińizge sala keteıik, Túrki akademııasy Maǵjan Jumabaevtyń óleńderin 9 tilge aýdaryp - jınaqtap, bir kitap qylyp basyp shyǵarǵan bolatyn. Al, mamyr aıynda О́zbekstanda aqynnyń ózbek tiline aýdaryp, jeke jınaq retinde «Tanlanǵan asarlar» degen atpen jaryq kórgen kitabynyń tusaýkeseri ótti.
Sonymen qatar túbi bir túrki jurtynyń azattyǵy men birligin jyrlaǵan, Túrkistannyń tutastyǵyn ańsap ótken aıbyndy aqynnyń týǵanyna bıyl 125 jyl tolyp otyr. Osyǵan oraı TWESCO 2018 jyldy «Maǵjan jyly» dep jarııalady.
Akademııanyń Maǵjan Jumabaev shyǵarmashylyǵynyń túrki jurtyna, álemge tanystyrý baǵytynda atqarǵan eńbegi zor. Birtýǵan xalyqty Maǵjan jyrlary jaqyndastyra túsetinine senim mol.
Qarlyǵash QURAMYS,
«Egemen Qazaqstan»
