Sprınt jarysynyń irikteý kezeńinde 16 jastaǵy Dıas Bahraddın ekinshi oryn aldy. Sodan keıin shırek fınalda ýkraınalyq Tarasa Kýzykany jarys jolynan yǵystyrdy. Jartylaı fınalda bizdiń sportshy vengrııalyq Balaz Pallany úsh sekýndqa ozyp kettti. Fınalda ózbekstandyq Islomjon Abdýsalomov Dıasqa qarsylas atandy. Tartysty ótken básekede Dıas Bahraddın márege 1:54.66 nátıjesimen birinshi keldi. Abdýsalomovtyń ýaqyty - 1:55.17.
«О́zderińiz kórgendeı jarys óte qıyn boldy. Degenmen jeńiske jettik. Fınalda bar kúshimdi jınap, jeńiske jetýge tyrystym. О́zbekstandyq qarsylasym myqty sportshy. Talaı básekelerde jarysyp júrmiz. Búgingi tańda jasóspirimder arasyndaǵy Olımpıada oıyndaryndaǵy júldem sporttyq mansabymdaǵy basty jetistigim. El qorjynyna medal salǵanym úshin óte qýanyshtymyn», dedi kanoe esýden jasóspirimderdiń Olımpıada oıyndarynyń jeńimpazy Dıas Bahrıddın.
15 jastaǵy Stella Sýhanova bolsa irikteý kezeńinde 1:54.64 nátıjeni kórsetip, kelesi aınalymǵa tórtinshi orynmen ótti. Sodan keıin Stella avstralııalyq qarsylasynan buryn márege keldi. Shırek fınalda Italııa eliniń ókili
LıýkresııaZıronıdi ozyp ketti. Jartylaı fınalda qazaqstandyq kanoe esýshi vengrııalyq Ester Rendessıge jol berip qoıyp, qola medal úshin talasýǵa múmkindik aldy. Úshinshi oryn úshin ótken synda Stella Sýhanova berilgen qashyqtyqta nemis Djına Zıntten shamamen úsh sekýnd jyldam boldy. Stellanyń ýaqyty- 1:54.25.
«О́te qýanyshtymyn. Dıas úshin de qýanyshtymyn. Emosııa asyp tur. Sózben jetkize almaımyn. Jarys óte qıyn boldy. Qola medal ońaı kelgen joq. Elim úshin qýanyshtymyn. Osy sport túrindegi bul jaqsy jetistik. «V» jolymen jarysý ońaı bolǵan joq. Ásirese burylysqa kirý qıynǵa soqty. Jartylaı fınalda tolqynystan bolar, senimsizdeý óner kóserttim. Al qola medal úshin talasta barymdy saldym», deıdi kanoe esý jarysynan jasóspirimder arasyndaǵy Olımpıada oıyndarynyń qola júldegeri Stella Sýhanova.
Aıta keteıik, osy Olımpıada oıyndarynda Qazaqstan quramasynyń qorjynynda tórt medal bar. Alǵashqy ekeýin dzıýdoshylar Bekarys Sádýaqas pen Margarıta Grısenko jeńip alǵan edi.
