Buǵan deıingi 5 mlrd tekshe metr gaz eksporty jónindegi birinshi kelisim tolyq kólemde oryndaldy. Taraptar birlesip atqarylǵan jumysty jáne Qazaqstannyń gaz tasymaldaý júıesiniń tehnologııalyq múmkindikterin joǵary baǵalady.
«Otandyq gazdyń eksportyn eki esege arttyrý eldiń tranzıttik áleýetin damytý jónindegi Qazaqstan Prezıdenti Nursultan Nazarbaevtyń strategııasynyń jáne eki memleket basshylary qol qoıǵan Kelisimniń arqasynda múmkin bolyp otyr»,- dep atap ótti «QazTransGaz» AQ Dırektorlar keńesiniń tóraǵasy Qaırat Sháripbaev.
Kelisimshartqa qol qoıýǵa Úkimet pen «QazMunaıGaz» Ulttyq kompanııasynyń tyńǵylyqty dıplomatııalyq jumysy, sondaı-aq qazaqstandyq gaz tasymaldaý júıesiniń júıeli jańǵyrtylýy sebep boldy.
Jaqyn ýaqytta «Beıneý-Bozoı-Shymkent» magıstraldyq gaz qubyrynyń ótkizý múmkindigin jylyna 10 mlrd. tekshe metrden 15 mlrd. tekshe metrge deıin ulǵaıtýǵa múmkindik beretin joǵary tehnologııalyq úsh kompressorlyq stansııa paıdalanýǵa berilmek. Osylaısha biz qazaqstandyq gaz qubyrlarynyń ótkizý múmkindikterin arttyryp jatyrmyz. Biz elimizdiń ishki qajettilikterin tolyq qamtamasyz etemiz jáne gaz eksportyn arttyrýǵa qaýqarlymyz. Aldyn-ala málimetterge sáıkes, Qytaıǵa eksporttalatyn gaz kólemin 10 mlrd. m3 kóbeıtý arqyly elimizge 2 mlrd. dollardan astam valıýtalyq túsim túsedi», - dedi Qaırat Sháripbaev.
Ulttyq operator túsken tabys esebinen otandyq gaz tutynýshylaryn qoldaýǵa, 560 mlrd. teńge kólemindegi kredıttik portfelge qyzmet kórsetýge, óziniń resýrstyq bazasyn arttyrýǵa jáne gaz tasymaldaý júıesin odan ári jańalaýdy jalǵastyrýǵa múmkindik alady.
«QazTransGaz» AQ 2018 jyldyń 9 aıyndaǵy qyzmetiniń qorytyndysy boıynsha, 693 mlrd. teńge paıda túsirdi. Kompanııalar tobynyń shoǵyrlandyrylǵan taza paıdasy 118,6 mlrd. teńgeni qurady, bul ótken jylǵy osy kezeń kórsetkishinen 72,4 mlrd. teńgege nemese 156% joǵary.
Búginde «QazTransGaz» AQ elimizdiń eń iri salyq tóleýshileriniń qatarynda. Aksıonerlik qoǵam 2018 jyly salyq jáne ózge de tólemder retinde memleket bıýdjetine 52,4 mlrd. teńge aýdardy. Kompanııa 20 myń adamdy jumyspen qamtamasyz etip otyr. Qazaqstandyq gazdy tasymaldaý týraly Qytaı tarapymen jasalǵan kelisimshart otandyq gaz salasynyń damýynyń jańa dáýiriniń bastamasy bolmaq.
