Yntymaq pen birlik, beıbitshilik pen turaqtylyqtyń arqasynda bizdiń elimiz álemdik keńistikte óz ornyn aıqyndady. Ekonomıkasy qarqyndy damyǵan elde azamattardyń ómir súrý sapasy da jaqsaryp, negizgi salalardy órkendetýge baǵyttalǵan túrli baǵdarlamalar sátti júzege asyrylýda. Memleket barlyq baǵytqa úzdiksiz óz tarapynan barynsha qoldaý kórsetip keledi.
Qarapaıym qazaqstandyqtardyń ál-aýqatyn arttyrý odan ári jalǵasyn taba bermek. Joldaý mátininde naqty mindetter atap kórsetilip, tıisti organdarǵa naqty tapsyrmalar berildi. О́z kezeginde bul barlyq sala jumysyna tyń serpin ákeleri anyq.
Joldaý ustazdar qaýymy úshin tyń jańalyqtarǵa toly boldy. Qazirgi tańda ustazdardyń mártebesin kóterý – mańyzdy máselelerdiń biri. Muǵalim bilim berý úderisine qatysy joq jumystarǵa tartylmaýyn qadaǵalap tapsyrdy. Ári muny aýyzsha emes, naqty qujat túrinde «Pedagog mártebesi týraly» zań qabyldaý jónindegi bastama kóterdi. Bul bastama – qazaqstandyq ustazdar qaýymynyń qoǵamdaǵy bedelin arttyryp, ornyn aıqyndaýǵa zor qadam bolmaq.
Elbasy naryqta tek joǵary bilim bere alatyn joǵary oqý oryndarynyń sapasy men básekege qabilettiligi jaıynda sóz qozǵap, bilikti, bilimdi kadrlar daıarlaýda jáne tehnologııalyq damyǵan elderdegi ǵylymı jumystar júıesinde joǵary oqý oryndarynyń úlken mańyzdy ról atqaratynyn atap ótti.
Aýylsharýashylyq ónimderin arttyrý máseleleri de Joldaýdyń basty taqyryptarynyń biri boldy. «Aýyl – el besigi» atty baǵdarlama iske asyryla bastaıtynyn habarlady.
El asyǵa kútken oń jańalyqtarǵa toly baǵdarlamada: «Jastar men otbasy ınstıtýtyn keshendi qoldaý – memlekettik saıasattyń basymdyǵyna aınalýy tıis. Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek. Kelesi jyldy Jastar jyly dep jarııalaýdy usynamyn», dedi Prezıdent. Kelesi jyldy «Jastar jyly» dep jarııalaýdy usynǵan Elbasynyń ıdeıasy – el jastaryna kúsh-jiger berip, qııaldaryna qanat bitiredi.
El turǵyndarynyń úshten biri jastar bolǵandyqtan, kelesi jyldy «Jastar jyly» dep jarııalaýdyń da mańyzy óte zor bolmaq. Ana retinde balalarymnyń bolashaǵy úshin mańyzdy jańalyqtardan habardar bolǵanyma qýanyshtymyn. Jas otbasylarǵa kórsetiletin qoldaý, baspanamen qamtamasyz etý, stýdentterdiń sapaly bilim alýyn qamtamasyz etý men olardyń jumysqa ornalasýy jaıly tapsyrmalary kóptiń kókeıinde júrgen saýal. Kóptegen otbasylarǵa, ásirese jastarǵa Qazaqstannyń ár azamatynyń baspanamen qamtamasyz etilýin kózdeıtin Baspanamen qamtýdyń «7-20-25» baǵdarlamasynyń qoljetimdiligi arta tústi. Bıýdjettik salalarda isteıtin qyzmetkerlerge sertıfıkat taratylýy, turǵyndardyń baǵdarlamaǵa degen qyzyǵýshylyǵyn arttyra túsetini anyq. О́zim bıýdjettik salada istegendikten, bıýdjettik mekemelerde qyzmet atqaratyn qyzmetkerler jalaqysyn 35 paıyzǵa ósirýi qýantty.
Táýelsizdigimizdi saqtap, memleketimizdi órkendetý jolynda Elbasy aıqyndaǵan strategııalyq baǵytty árdaıym ustansaq, uly isterdi, jetistikterdi keıingi urpaqqa úlgi etip jalǵastyrarymyz aqıqat. Bul – Qazaqstan Respýblıkasynyń árbir azamatynyń mindeti. Sondaı-aq Joldaýda zeınetkerlerdiń zeınetaqysyn kóterý, dárigerlerdiń jalaqysyn kóterý, polısııa men sot qyzmetin jetildirý, adam qaýipsizdigin qamtamasyz etý men memlekettik qyzmet kórsetý isin damytý da nazardan tys qalmady. Eń tómengi jalaqy 1,5 ese ósetini de elge qýanyshty habar boldy.
«Árbir qazaqstandyq júrgizilip jatqan reformalardyń mánin, mánisin, olardyń Otanymyzdy órkendetý jolyndaǵy mańyzyn jete túsinýi tıis. Ony biz jetkize bilýimiz kerek. Reformalardy júzege asyrý úshin qoǵamnyń ortaq maqsatqa jumylýy asa mańyzdy. «Rýhanı jańǵyrý» baǵdarlamasy jappaı qoldaýǵa ıe bolady. Qoǵamdaǵy jańǵyrý úrdisterine tyń serpin berdi», dedi Elbasy. El ıgiligi jolynda atqarylyp jatqan ıgilikti isterge jalpy qoǵam bolyp qoldaý bildirip, aıqyn bastamalardyń iske asýyna óz úlesimizdi qosaıyq. Sonda ǵana bizdiń Qazaqstan ata-babamyz armandaǵan qýatty elge aınalary sózsiz.
Janar AITKÝJINA,
Aqmola oblystyq Qazaqstan halqy
Assambleıasy janyndaǵy Analar keńesiniń múshesi,
Kókshetaý qalalyq qazaq kitaphanasynyń meńgerýshisi
