Elbasy óńir turǵyndaryna shet elderge barmaı-aq, eýropalyq deńgeıdegi joǵary mamandandyrylǵan oftalmologııalyq kómek alýǵa múmkindik beretin mundaı nysandardy iske qosýdyń mańyzdylyǵyn aıryqsha atap ótti.
Medısına qyzmetkerleri densaýlyq saqtaý salasyna únemi kóńil bólip, tıimdi áleýmettik saıasat júrgizip jatqany úshin Nursultan Nazarbaevqa alǵys bildirdi.
Sonymen qatar, Qazaqstan Prezıdentine Astana qalasynda salynatyn alǵashqy medısınalyq ońaltý ortalyǵynyń maketi tanystyryldy.
***
«DaruZharygy» jaýapkershiligi shekteýli seriktestigi – memleket-jekemenshik áriptestik aıasynda avstrııalyq kompanııamen birlesip salǵan óńirdegi iri oftalmologııa jáne kóz mıkrohırýrgııasynyń ortalyǵy. Joba quny – 3,2 mıllıard teńge. Klınıka Eýropada shyǵarylǵan medısınalyq qurylǵylarmen jabdyqtalǵan. Stasıonar 60 adamǵa arnalǵan, emhana kúnine 500 adam qabyldaı alady.
