Qazaqstan Prezıdenti sapar barysynda oblys ortalyǵyndaǵy «DaruZharygy» jaýapkershiligi shekteýli seriktestiginiń oftalmologııa ortalyǵyna bardy.
Memleket basshysy jańa klınıkanyń emhanalyq, dıagnostıkalyq jáne stasıonarlyq bólimshelerin, lazer ortalyǵy men ota jasaý bólimin aralap kórdi, sondaı-aq kózge ota jasaýǵa arnalǵan zamanaýı medısınalyq qural-jabdyqtarmen tanysty.
Elbasy óńir turǵyndaryna shetelderge barmaı-aq, eýropalyq deńgeıdegi joǵary mamandandyrylǵan oftalmologııalyq kómek alýǵa múmkindik beretin mundaı nysandardy iske qosýdyń mańyzdylyǵyn aıryqsha atap ótti.
Medısına qyzmetkerleri densaýlyq saqtaý salasyna únemi kóńil bólip, tıimdi áleýmettik saıasat júrgizip jatqany úshin Nursultan Nazarbaevqa alǵys bildirdi. Sonymen qatar Qazaqstan Prezıdentine Astana qalasynda salynatyn alǵashqy medısınalyq ońaltý ortalyǵynyń maketi tanystyryldy.
Aıta ketý kerek, «DaruZharygy» jaýapkershiligi shekteýli seriktestigi – memleket-jekemenshik áriptestigi aıasynda aýstrııalyq kompanııamen birlesip salynǵan óńirdegi iri oftalmologııa jáne kóz mıkrohırýrgııasynyń ortalyǵy. Joba quny – 3,2 mıllıard teńge. Klınıka Eýropada óndirilgen medısınalyq qurylǵylarmen jabdyqtalǵan. Stasıonar 60 adamǵa arnalǵan, emhana kúnine 500 adamdy qabyldaı alady.
Budan soń Memleket basshysy Aqtóbedegi «Aıala» balalardy saýyqtyrý ortalyǵynda bolyp, serebraldy sal aýrýymen, aýtızmmen, neıro-ortopedııalyq patologııamen aýyratyn balalarǵa arnalǵan zamanaýı tehnologııalar men standarttary bar áleýmettik-psıhologııalyq jáne medısınalyq ońaltý baǵdarlamalarymen tanysty.
Sonymen qatar Nursultan Nazarbaevqa «Baqytty bala» oblystyq jobasynyń júzege asyrylý nátıjeleri jóninde málimdeldi. Joba aıasynda erekshe muqtaj balalar úshin arnaıy korreksııalyq balabaqsha, psıhologııalyq jáne medısınalyq-pedagogıkalyq konsýltasııa beretin oryndar, «Kúnshýaq» balalardy saýyqtyrý lageri ashyldy. Aýdandardaǵy psıhologııalyq-pedagogıkalyq korreksııa kabınetteri jáne Aqtóbe qalasynyń orta mektepterinde ınklıýzıvti bilim berý isin damytý jónindegi resýrsty kabınetter jasaqtalyp, jumys júrgizýde.
Bıznestiń áleýmettik jaýapkershiligi aıasynda «Aqtóbe mys kompanııasy» jaýapkershiligi shekteýli seriktestigi salǵan ortalyq Shveısarııa, Chehııa, Polsha jáne Reseıdiń zamanaýı quraldarymen jabdyqtalǵan.
Kelesi nysan – qaladaǵy jańa Muz saraıynda Elbasy jas hokkeıshilerdi jáne barsha aqtóbelikterdi sport kesheniniń ashylýymen quttyqtap, shaıbaǵa estelik qoltańba qaldyrdy. Bul sport saraıy memleket-jekemenshik áriptestigi aıasynda Slovakııa ınvestorlarynyń qatysýymen salynǵan-dy.
Jalpy aýmaǵy 8 500 sharshy metr bolatyn sport kesheni jyl boıy hokkeıden, short-trekten, mánerlep syrǵanaýdan, basketboldan, shaǵyn fýtboldan, bokstan, úlken tennısten, gımnastıkadan kásibı jarystar ótkizýge, sondaı-aq konkımen jappaı syrǵanaýǵa múmkindik beredi. Arena 2 500-den astam kórermenge arnalǵan.
Memleket-jekemenshik áriptestiginiń Aqtóbe oblysynda jemisti júzege asyp jatqanyn kórsetetin taǵy bir joba – «ACE Tennis Center» ortalyǵynda Nursultan Nazarbaev jas sportshylarmen áńgimelesip, tennıs dobyna estelik qoltańba qaldyrdy, sondaı-aq osy ortalyqtyń qonaq úı kesheni men basqa da oryndaryn aralap kórdi.
Qazaqstan Prezıdenti sport kesheniniń jumysymen tanysyp, óńirlerde osyndaı sport ınfraqurylymdarynyń ashylýy salamatty ómir saltyn nasıhattaýǵa jáne elimizde tennıstiń damý deńgeıin arttyrýǵa múmkindik beretinin atap ótti.
О́ńirdegi áleýmettiń áleýetin arttyrý baǵytyndaǵy osyndaı irgeli jobalarmen tanysqannan keıin Memleket basshysy «Aqtóbe» ındýstrııalyq aımaǵyna bardy.
Indýstrııalyq aımaqtyń kólemi 200 gektar jerdi alyp jatyr. Onda ınjenerlik-kommýnıkasııalyq ınfraqurylym, avtomobıl jáne temir jol kólikterine arnalǵan kirme joldar bar. Búginde munda jalpy quny 60,3 mıllıard teńge bolatyn 14 ınvestısııalyq joba júzege asyrylýda.
Memleket basshysyna ındýstrııalyq aımaqta iske asyrylyp jatqan jobalar, sondaı-aq ónerkásip kásiporyndaryn sıfrlandyrý jáne tehnologııalyq turǵydan jańǵyrtý, oblystyń agroónerkásip keshenin damytý úshin atqarylǵan jumystar týraly málimdeldi. Aqtóbe oblysynyń ákimi Berdibek Saparbaev bıylǵy 9 aıdaǵy óńirdiń áleýmettik-ekonomıkalyq damýynyń negizgi nátıjeleri jóninde baıandady.
– Esepti kezeńde áleýmettik-ekonomıkalyq damýdyń barlyq negizgi kórsetkishi boıynsha ósý qarqyny saqtalyp otyr. О́nerkásip ósimi – 105,7 paıyz. Jalpy, qańtar-qyrkúıek aılarynda óndirilgen ónimniń quny 1,3 trıllıon teńgeden asty. Aýyl sharýashylyǵy óniminiń jalpy kólemi 167,3 mıllıard teńgeni nemese 104 paıyzdy qurady. Osy aıda 85 myń sharshy metr turǵyn úıdi paıdalanýǵa berý josparlanyp otyr. Bul byltyrǵy osy kezeńmen salystyrǵanda 22,1 paıyzǵa artyq. Bıylǵy 9 aı ishinde 318 mıllıard teńgeden astam ınvestısııa tartyldy, – dedi B.Saparbaev.
О́ńir basshysynyń aıtýynsha, oblysta jumyssyzdyq deńgeıin azaıtý jóninde birqatar shara qolǵa alyndy. Sonymen birge búginde aımaqta Memleket basshysynyń Qazaqstan halqyna Joldaýynda qoıylǵan tapsyrmaǵa sáıkes jyl aıaǵyna deıin 35 myń adamnyń jalaqysy ósirilmek. Taǵy bir atap óterlik másele, oblys turǵyndarynyń ál-aýqatyn, tabys pen turmys sapasyn jaqsartý máselesi birinshi kezekte ekonomıkalyq ósimdi ósirý, onyń deńgeıin bes paıyzdyq kórsetkishten túsirmeý turǵysynan mejelenip otyr. Sondaı-aq óńirde ónerkásipti jańǵyrtý isi sıfrlandyrý jónindegi baǵdarlamamen tyǵyz baılanysta júrgizilip keledi.
Oblys ákimi Elbasyna negizgi memlekettik baǵdarlamalardyń, sonyń ishinde «Prezıdenttiń bes áleýmettik bastamasynyń» júzege asyrylý barysy jóninde de esep berdi.
Sońynda Nursultan Nazarbaev «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty halyqqa arnalǵan Joldaýdy tıimdi iske asyrýdyń mańyzdylyǵyn atap ótip, oblystaǵy ortasha jalaqyny ósirý, jergilikti mańyzy bar joldardy jóndeý jáne óńirdiń, ásirese Aqtóbe qalasynyń ekologııalyq ahýalyn jaqsartý jóninde birqatar naqty tapsyrma berdi.
Temir QUSAIYN,
«Egemen Qazaqstan»
Aqtóbe oblysy
