О́ziniń tusaýkeser kezdesýinde jerlesimiz Irına Begýmen kúsh synasty. Álemdik reıtıngte 53 oryndy enshilegen Rýmynııanyń ókili Pýtınsevaǵa jarytyp qarsylyq kórsete alǵan joq. Eki settik saıys 6:2, 6:0 esebimen aıaqtaldy. Kelesi aınalymda qazaqstandyq tennısshi Anastasııa Sevastovamen sheberlik baıqasady. WTA reıtınginde 11 satyǵa jaıǵasqan 28 jastaǵy Latvııanyń oıynshysy bıyl aıdy aspanǵa shyǵaryp, AQSh-tyń ashyq birinshiliginde jartylaı fınalǵa deıin jetken edi. Osy básekeniń jeńimpazy shırek fınalǵa joldama alady.
Sondaı-aq, búgin Qazaqstannyń taǵy eki ókili kortqa shyǵady. Olar – Mıhaıl Kýkýshkın men Aleksandr Býblık. Erler arasyndaǵy elimizdiń birinshi raketkasy, ATR tiziminde 73 orynda turǵan Kýkýshkın reseılik Evgenıı Donskoımen kúsh synasady. Al Býblık fransııalyq Per-Iýg Erbermen kezdesedi.
Ǵalym SÚLEIMEN,
«Egemen Qazaqstan»
