Osynyń aldyndaǵy irikteý týrnırinen «Qaırat» bir demmen, esh múdirmeı ótkeni belgili. Portýgalııanyń «Sportıng», Belarýstiń «Lıda» jáne Kosovonyń «Fenıks» klýbtaryna qarsy ótkizgen básekelerdiń barlyǵynda basymdyq tanyttyq. Árıne, bul qýantarlyq jaǵdaı. Biraq bizge bosańsýǵa múlde bolmaıdy. О́ıtkeni, qart qurlyqtyń basty dop dodasynyń fınaldyq saıysynyń jalǵyz joldamasy úshin talasatyn D tobyndaǵy komandalar arasynda osaly joq. Barlyǵynyń múmkinidigi birdeı. Qaı qaısysy da qaýipti qarsylas. Sondyqtan da bul synaqqa da saqadaı saı ázirlikpen attanyp, jarys jolynda janymyzdy salyp aıqasqan jaǵdaıda ǵana kózdegen maqsatymyzǵa qol jetkize alamyz, – deıdi Kaka.
Esterińizge sala keteıik, aıtýly jarystyń D tobynda óner kórsetetin «Qaırattyń» qarsylastary – Chehııanyń «Hrýdım», Belarýstiń «Lıdselmash» jáne Italııanyń «Peskara» klýbtary. Bul básekeler 13-18 qarasha aralyǵynda Chehııada ótedi. Al ózge toptarda mynda komandalar ózara sheberlik baıqasady: A toby: «Inter» (Ispanııa), «Doboves» (Slovenııa), «Halle-Gooık» (Belgııa) jáne «Vıtıs» (Lıtva). B toby: «Iýgra» (Reseı), «Barselona» (Ispanııa), «Ekonomas» (Serbııa) jáne «Rekord» (Polsha). C toby: «Benfıka» (Portýgalııa), «Sportıng» (Portýgalııa), «Sıbırıak» (Reseı) jáne «Novo Vrıeme» (Horvatııa).
Ár toptyń jeńimpazdary ǵana Chempıondar lıgasynyń fınaldyq saıysynda kúsh synasý qurmetine ıe bolady. Al sheshýshi básekeler kelesi jyldyń 25-27 nemese 26-28 sáýir kúnderi ótedi dep josparlanýda.
Ǵalym SÚLEIMEN,
«Egemen Qazaqstan»
