«Súıinshi, Alash urpaqtary, súıinshi! Osydan týra jarty saǵat buryn ǵana Sankt-Peterbýrgtan qýanyshty jańalyq kelip jetti. Alty Alash kósemi Álıhan Bókeıhanovtyń 1890-1894 jyldary oqyp bitirgen burynǵy Imperatorlyq orman ınstıtýty, qazirgi Sankt-Peterbor memlekettik orman-tehnıkalyq ýnıversıtetiniń Ǵylymı keńesi bas ǵımaratynyń mańdaıyna óziniń dańqty túlegi, 2015 jyly IýNESKO Bas konferensııasynynyń 38-sessııasy «búkil álemdik shynaıy dańqty qaıratker» dep tanyǵan Álıhan Bókeıhanǵa estelik taqta ornatý týraly usynysty 27 daýyspen qoldap, 7 daýys qarsy, 5 daýys qalys qalyp, basym kópshilik daýyspen maquldady», dep jazdy Sultan Han Aqquly óziniń Feısbýktegi paraqshasynda.
Eskertkish taqta ornatý jóninde osy JOO-nyń túlegi Maıken Ázenov usynyp, Ǵylymı keńestiń qaraýyna arnaıy hat joldaǵan. Taqtany jasatyp, ornatýdy «Aq jol» partııasy óz jaýapkershiligine aldy.
«Odan bólek ult kóseminiń qııan-keski kúreske toly ǵumyrynyń aqyrǵy 15 jylyn (1922-1937 jj.) ótkizgen Máskeýdegi B. Kıslovskıı oramy, 4 úıi men Samara qalasyndaǵy 1909-1917 jyldary turǵan Kazanskaıa kóshesi, 30 (qazir 32 úı) úıine de estelik taqta ornatý isi qolǵa alyndy. «Aq jol» partııasynyń Májilistegi fraksııasynan Máskeýdegi Elshilikke tıesili hat joldandy. Endi Máskeýden habar kútip otyrmyz», dedi Sultan Han Aqquly.
