ATR tiziminde 73 orynda turǵan jerlesimiz tusaýkeser kezdesýde Evgenıı Donskoımen kúsh synasty. 28 jastaǵy Reseı tennısshisin asa myqty qarsylas dep aıta almaımyz. Osy kúnge deıin ol «Úlken dýlyǵa» sanatyndaǵy saıystarda úshinshi aınalymnan asyp kórmegen. Qazirgi kezde úzdikter tiziminde Evgenıı 105 oryndy enshileýde. Desek te jergilikti jankúıerlerdiń qoldaýy Donskoıǵa dem berse kerek, ol bul básekede Kýkýshkınnan aılasyn asyryp ketti. Esep – 6:4, 7:6.
Erler arasyndaǵy taǵy bir Qazaqstannyń tennısshisi Aleksandr Býblık búgin kortqa shyǵady. Ol osy týrnırdegi tusaýkeser kezdesýin fransııalyq Per-Iýg Erberge qarsy ótkizedi. Sondaı-aq búgin áıelder arasyndaǵy elimizdiń birinshi raketkasy Iýlııa Pýtınsevanyń ekinshi kezeńdegi oıynyn tamashalaısyzdar. Jerlesimiz WTA reıtınginde 11 satyǵa jaıǵasqan 28 jastaǵy Latvııanyń oıynshysy Anastasııa Sevastovamen sheberlik baıqasady.
Ǵalym SÚLEIMEN,
«Egemen Qazaqstan»
