Aımaqtyń áleýmettik-óndiristik nysandarynyń jumysymen tanysty. Oblys aktıvimen kezdesýde aımaq basshysy Qyrymbek Kósherbaev Joldaýdaǵy tapsyrmalardyń oblysta qalaı oryndalyp jatqandyǵyn tarqatyp berdi. Ishki ister mınıstri Qalmuhanbet Qasymov Joldaýdyń mindetteri boıynsha vodomstvanyń atqarǵan jumystary jaıly baıandady.
- Memleket basshysy Joldaýynda negizgi basymdyqtardy aıqyndap berdi. Onyń ishinde polısııa qyzmetiniń qurylymyn jańǵyrtý, ony jańa deńgeıge kóterý týraly nusqaý berildi. Sebebi, qoǵamdyq qaýipsizdik bárinen de mańyzdy bolyp tabylady. Qazirgi tańda kóp ister atqaryldy, biraq ishki ister organdarynyń jumysynda áli sheshilmegen máseleler bar, sondyqtan álde de atqaratyn jumystar kóp, - dedi QR Ishki ister mınıstri.
Jıynda QR Densaýlyq saqtaý vıse-mınıstri Lázat Aqtaeva men Bilim jáne ǵylymı vıse-mınıstri Ashat Aıtmaǵambetov óz salalar boıynsha aıtylǵan máselelerdi taldap, atqarylyp jatqan jumystarmen tanystyrdy. Budan soń aqparattyq-nasıhattyq top óńirdegi nysandardy aralap, halyqpen kezdesýler ótkizdi.
Baqtııar TAIJAN,
«Egemen Qazaqstan»
Qyzylorda oblysy
